Read Kpelle Ifisiɛŋ 3 Bible Online

Ifisiɛŋ 3 - Kpelle bible

Ifisiɛŋ 3

¹Sâpoi ŋí ma, ńyãa Pɔ̂ɔ, ńyãai ŋ́gaa a pelesinɛ Zîsɛ Kôrai mɛni ma káai a Zɛ̃tai-ŋai kámaa-mɛni mai, ŋa pɛlɛ ŋume ŋá Ǹaŋ-nuui ŋɛ́i túɛ.

²Tɔ̃yâ ma ka mɛni berei Ɣâla a ŋɔƃɛlɛ-sêei tɛ́ɛ la ḿbɔ a gɛ́ɛ ŋá tíi kɛ́ kàai,

³berei noo-mɛnii a lɛ́ la mâ Ɣâla ŋɔmɛni-lɛɛi sârai, yɛ̂ɛ berei ŋá mò la kâa nɔ́ a gbuâi.

⁴Kà nyíŋi lòno, ka pâi ŋámɛni-ŋa-kaai kɔ́lɔnîi naa e pîlaŋ Kôrai ŋɔloo-mɛnii ma.

⁵Ɣâla fe niî kɛ̀ nɛ ni núu-kpune ma ŋ̀énia pɔlɔi su, yɛ̂ɛ berei a ǹɛ́ la ŋɔsia-ƃela maa waa-ŋai dîa da ŋɔlóno kɛ́-ƃelai M̀ɔlêŋ sârai.

⁶Nya ƃa, berei Zɛ̃tai-ŋai díkaa la a pɔɔ-sɛŋ-namela dia máŋ. Díkaa a gbono tɔnɔi su-ƃela da, dí ƃo a gono-teei sɔlɔ-ƃo-ƃela da Zîsɛ Kôrai kponôi Duŋ Lɛ́lɛɛi sârai.

⁷Dí ŋ́gɛ̀ a Duŋ Lɛ́lɛɛi ŋí maa-tii-kɛ-nuu, yɛ̂ɛ berei zama-sɛŋ káa la, nyíi gáa a Ɣâla ŋɔƃɛlɛ-sêei, nyíi e dɛɛ ḿbɔ ŋɔwála-walai ŋɔtíi kɛɛi sui.

⁸Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

⁹Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa gɛ núu kélee dí noo-mɛnii káa nyíi zɛŋ kélee kpɛtɛ-Ɣalai e nòo a tãi su kôyai,

¹⁰a gɛ́ɛ Ɣâla e nâa ŋɔtáre-sii támaai lɛ́ nuu-mɛi-ƃelai dîa da ŋwála-wala-ƃelai díkaa Ɣâla-taai Kôrai-toli-kpɔŋ sârai.

¹¹Nyíŋi è kɛ̀ yɛ̂ɛ berei Ɣâla ŋɔwɔlɔ-wɔlɔ mɛni-kpɛtɛɛi káa la nyíi e gɛ̀ Kúnuu-namui Zîsɛ Kôrai sârai,

¹²nyíi lii-kpele káa kúyêei gbonôi, da tɔ̃yâ-pere nyíi a lî a kúa Ɣâla pɔ kúlaa-lai sârai Kôrai kponôi.

¹³Mɛni ma ŋa kámarê kɛ̂i a gɛ́ɛ káfii fe kpɛɛ ŋámɛni-soli-kaai ma kámɛni ma, nyíi gáa a káfolo-laai.

¹⁴Nyíŋi mɛni ma ŋa pɛ́lɛ ŋ́ume ŋá Nàŋ-nuui kɔ́ɔ mu,

¹⁵nyíi núu-suu kélee gáa Ɣâla-taa da ǹɔii ma dílaa-seei a kûla ǹyêei,

¹⁶a gɛ́ɛ berei ŋɔfólo-laai kɛ̂tɛi lai, é kákɛ kákponôi e kpanaŋ a wála-wala-laa núu-kpune kponôi Ŋɔmɔ̂leŋ sârai,

¹⁷a gɛ́ɛ Kôrai é kɛ́ kálii su laa-la sârai; a gɛ́ɛ gbɛɛ ŋái tãi kásame à lɔ̀ lai, káseêi e kpanaŋ wɛli-kɛ-maa su,

¹⁸gɛ̀ ní wála-wala a pâi kɛ̂i káyêei ka Ŋ̀âla-ƃelai kélee ka táre zu berei wɛli-kɛ-maa ŋɔŋa-kɛtɛ, ŋɔkôya, da ŋɔtɔɔ mɛi káa lai, da berei ziŋɔɔ̂i lai,

¹⁹a gɛ́ɛ ŋɔ́nɔ ka Kôrai ŋɔwɛli kɛ́-maai kɔlɔŋ nyíi dɛɛi táre mai, a gɛ́ɛ kálaa e fɛɛ a Ɣâla ŋɔlaa-fɛɛi.

²⁰Ǹyaŋ ǹúui pɔ̂ri káa mì a gɛ́ɛ é m̀ɛnii kɛ́ é tɛ́ɛ mɛni kélee ma kwa mare-kɛ̂ɛ kɛi, kpaa máŋ kú kúkili ŋá sía mai, yɛ̂ɛ berei ŋ̀wála-wâlai káa tíi kɛ̂i la kúkponôi,

²¹maa-nûui tí ƃé vólo-laai é tɛ́ɛ bɔ́ Kôrai tóli-kpɔŋ su da Zîsɛ Kôrai núu kélee mɛni ma wɔ́lɔ-wɔlɔ da wɔlɔ-wɔlɔ. É kɛ́ tí.