Read Kpelle Taitɔ 2 Bible Online

Taitɔ 2 - Kpelle bible

Taitɔ 2

¹Kɛ́lɛ, à kɛ̀ a yá, zɛŋ-lɛɛi nyíi gáa a dɔ̃yâ-sɛŋ-lɛɛi, ǹɛ́.

²Núu pɔlɔ-ŋai dí díkpîŋ su soŋ, dí kɛ́ a mɛni-soŋ-ƃela a gbanaŋɔɔ, díkili é kɛ́ díyêei. Dí kɛ́ a tɔ̃yâ-ƃela laa-la su, wɛli-kɛ-maa su, da fɔlɔ-fɔlɔ su.

³Nɛnî pɔlɔ-ŋai máŋ dí kɛ́ a ƃaa-kɛ-maa-ƃela dítûa-perei su, dífe kɛ̀ a laa-kara-ƃela da lɔɔ-kpeleɛ ŋɔluɛ-ŋa. Fɛ̂ɛ dí zɛŋ lɛ́ nyíi ǹɛ́lɛɛ̂i,

⁴a gɛɛ dí sɛŋ lɛ́ ǹɛnî kpela-ŋai dîa dí dísinâai wɛ́li da dínîa-pɛlɛɛi.

⁵Díkili é kɛ́ díyêei. Dílii su é kɛ́ a ŋ̀waa. Dí kɛ́ a pɛ́rɛ-soŋ-ƃela. Dí kɛ́ a sɔŋ-lɛlɛ-ƃela. Dí dísinâai wóo mɛni, a gɛɛ Ɣâla ŋɔwóoi fé kɛ̀ nɔ kpɛni-kpɛni.

⁶Ǹyaŋ-kpa-ŋai lia-woo ƃó a gɛɛ dí díkpîŋ mɛi káa bere-sii tí su.

⁷Íkpîŋ lɛ́ pere-sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

⁸Lóno lɛ́lɛɛ kɛ́ nyíi m̀aa kulâi kélee fé ma, a gɛɛ ǹúui a tɔ̂ɔ kûai, ŋumɛ é zoŋ. Mɛni nyɔ́mɔɔ kélee da fé kɛ̀ ǹá é m̀ó é pîlaŋ kûa.

⁹Luɛ-ŋa dí dímɛi-ƃelai wóo mɛni, dí lii-laa tɛɛ dípɔ pere-sii kélee su. Dífe lòno díwoo mu,

¹⁰kpaa máŋ, dífe kɛ̀ a wôya-sɛŋ siɣe-ƃela. Kɛ́lɛ, fɛ̂ɛ dí díkpîŋ lɛ́ pere-sii kélee su a gɛɛ díkaa a tɔ̃yâ-ƃela sãa-ŋa, a gɛɛ dí Kúƃalo-nuui Ɣâla ŋɔsɛŋ-lɛɛi maa ɣíri mɛni-sii kélee su.

¹¹Kpɛ́ni fêi, Ɣâla ŋɔƃɛlɛ-sêei a pá núu kélee ƃalo mɛni ma.

¹²A nɛ̀ kûa a gɛɛ ku kúpôlu tɔɔ Ɣâla-mɛni-kpɔaraa ma da núu ŋɔkɛ-pere-nyɔŋ wɛliɛɛi. Kɛ́lɛ, kútûa a táre-pere, sɔŋ-lɛlɛ-pere da Ɣâla ŋɔtûai kɛ́ɛ ŋ̀éniɛi ŋí sui.

¹³Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa-mɛni fólo-laa su,

¹⁴nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

¹⁵Mɛni-ŋai ŋí ƃó, í dília-woo ƃó, í lóno kpɔ́ dípɔ a gbanaŋɔɔ a wala-wala-laa kélee. Ífe nɛ̀ɛ naa núu da é ŋ̀ɛ́i naɣîŋ ímɛi.