Read Kpelle Ibulu 3 Bible Online

Ibulu 3 - Kpelle bible

Ibulu 3

¹Mɛni ma, m̀arâa maa waa-ŋai, káai kwa ka-ni ku ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

²È kɛ̀ a núu sã́a Ɣâla ŋ́ɛi nyii ziɣe zu a gɛɛ é tíi sã́a kɛ́, yɛ̂ɛ berei Mose máŋ è kɛ̀ la a núu sã́a Ɣâla ŋɔpɛ́rɛi mui.

³Dí Zîsɛ kàa a ǹúui maa nɛ̃ɛ̂i fólo-laa támaa é kɛ́ ma é tɛ́ɛ Mose ma yɛ̂ɛ berei ƃaa-kɛ́-maa támaa káa la pɛ́rɛ-tɔɔ-nûu ma é tɛ́ɛ bɛ́rɛi kpîŋ mai.

⁴Kpɛ́ni fêi, pɛ́rɛ kélee da dɔ̀ɔi núu ƃa dɔ̀ɔ, kɛ́lɛ, zɛŋ kélee kpɛtɛ-nuui ƃa Ɣâla.

⁵Mose è kɛ̀ a núu sã́a Ɣâla ŋɔpɛ́rɛi mu gwaa kélee yɛ̂ɛ Ɣâla yée-mu-nuu a gɛɛ é mɛni-ŋai maa-sere-faa kɛ́ nyíi-ŋai pâi ƃôi a tãi dai.

⁶Kɛ́lɛ, Kôrai è kɛ̀ a núu sã́a Ɣâla ŋɔpɛ́rɛi mɛi yɛ̂ɛ ǹóŋ. Ǹyaŋ kúa ƃa ŋɔpɛ́rɛi à kɛ̀ kwa kúlaa-lai sôŋ a gbanaŋɔɔ é seri gɔ̃yɛŋ ma da kúlii-nɛɛi kúkili-kɛ-zui su.

⁷Mɛni ma yɛ̂ɛ berei M̀ɔlêŋ Maa Waai a mò la, nyɛɛi, “Sâa kà ŋ̀óo mɛ̀ni,

⁸káfe káa lii kpànaŋ yɛ̂ɛ berei ǹûai dí wɔ́lɔ gɛ̀ la a Ɣâla láa a zu-kɔɔŋ-tãi nyíi kɛ̀ vɛ̃ɛ-kpâlaŋ sui,

⁹ƃɛi kánâŋ-ni dí su-kɔɔŋ tɛ̀ɛ naa ḿbɔ dí ŋátii-ŋai káa kóraŋ buu náaŋ yée mui.

¹⁰Mɛni ma ńii è ŋwàna ŋ̀éniɛi tí su-ƃelai dîa, ŋá m̀ó, ńyɛɛi, ‘Da siɣe pere ma a tãi kélee dílii su-pere. Dífe niî ńdûa-perei kɔ́lɔŋ ní.’

¹¹Yɛ̂ɛ berei ŋá ḿvòo la ŋálii-ŋwanai sui, ‘Dífe pâi wɔ́lɔ liî ŋáfii-tɔɔi su.’ ”

¹²M̀arâai, ka kámɛi káa, à wàla kɛ́ tí mɛni nyɔ́mɔɔ a pâi kɛ̂i kákponôi, líi nyíi ve a laa-la-lii é kɛ́ kákoi, nyíi pâi kákɛ̂i ká kásu kula Vulu-laa-Ɣalai mai.

¹³Kɛ́lɛ, ka kákîe-ni lia-woo ƃó a ɣele kélee, a gɛɛ kátɔnɔ kpîŋ káfe kálii kpanaŋ a sɔnyɔ̂ŋ ŋɔnúu pɛlɛɛ, tãi nɔ́ ŋ̀óoi da kɛ́ mà “sâai” nyii gáa Ŋ̀âla kɔlɔi sui káa niî naa nyíi bîlaŋɔɔi kûai.

¹⁴Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sòŋ a gbanaŋɔɔ é seri gɔ̃yɛŋ ma.

¹⁵M̀ôɔi a gɛɛ, “Sâa, kà ŋ̀óo mɛ̀ni, káfe kálii kpànaŋ yɛ̂ɛ berei ǹûai dí wɔlɔ gɛ̀ la a Ɣâla láai.”

¹⁶Gbɛɛ-ni ƃe dí mɛ̀ni, kɛ́lɛ, dí wɔ̀lɔ a Ɣâla láai? Diai kélee kùla Ize Mose kɛ́ ƃo dímɛi a núu kɛ́tɛi dia fêi?

¹⁷Ǹyaŋ gbɛɛ-ni ƃe è kɛ̀ a ǹíi ŋwánaa dîa kóraŋ buu náaŋ yée mui? Diai da sɔnyɔ̂ŋ kɛ̂i dia fêi, nyíi-ŋai sàa vɛ̃ɛ-kpâlaŋ sui?

¹⁸Diai woo-mɛni fé kɛ́ ni díyêei dia fé è vòo dímɛni ma a gɛɛ dífe wɔ́lɔ pâi liî ŋɔfii-tɔɔi sui?

¹⁹Mɛni ma kwa gáa a gɛɛ pɔ̂ri fé kɛ́ ni dîɛ dí li ŋɔfii-tɔɔi su, kpɛ́ni fêi, laa-la fé kɛ́ ni díyêei.