Read Kpelle Samia Maa-ŋuŋ 24 Bible Online

Samia Maa-ŋuŋ 24 - Kpelle bible

Samia Maa-ŋuŋ 24

¹Sɔ̂ɔ è kɛ́ɛ a Felesia-ŋai kpɛ̂i, è mɛ̀ni a gɛ́ɛ Deeƃé è kɛ̀ Vɛ̃ɛ-kpâlaŋ su Ɛŋgidi kɔlɛ ma.

²Sɔ̂ɔ è Eezuɛ-ŋai díkɔ-kuluƃa-ŋai wála saaƃa sìɣe da dîa-ni dí lí díkɛ Deeƃé kɔ̀ri da ŋɔkɔ-kuluƃa-ŋai M̀oli-fɛnɛ-sãa Kɔnii ma.

³È pà Ƃála ŋaa-kɔŋ kwaa da-ŋa berei kɔlɛ kɔni-wôlo da kɔlɛ ma. Sɔ̂ɔ è lɔ̀ gɔni-wôloi kpîŋ su a gɛ́ɛ é víi tɔ́ɔ. Deeƃé da ŋɔkɔ-kuluƃa-ŋai díkɛ̀ díloɔɔ gɔni-wôlo tɔnɔi ŋí kpóŋ ma.

⁴Dí lòno Deeƃé pɔ́ díwoo loŋ su dîyɛɛi, “Yâwɛɛ è mò yâ a gɛɛ a pâi ǹɛɛ̂i naa í íkpɔara-ƃelai yée mɛi ɣále m̀ɛnii ya ŋ̀wɛ̂lii í gɛ́ a dîai í gɛ́. M̀ɛnii ŋí gúui ká ŋí a seri.” Deeƃé è sìa sĩi pá é Sɔ̂ɔ ŋɔseɣei gbua-loŋ tée ma. Kɛ́lɛ Sɔ̂ɔ fé kɛ́ ní a mɛni da kɔ́lɔŋɔɔ é pîlaŋ ma.

⁵Kɛ́ɛ tíi malôŋ è tòo Deeƃé ma Sɔ̂ɔ ŋɔseɣei gbua da téɛɛ ma mi mɛni ma.

⁶Ǹyɛɛ ŋɔkɔ-kuluƃa-ŋai dîai, “Ka kpera ƃoo lôno kɛ̂i. Kúfe pâi kɔ́ pɛlɛ̂i Sɔ̂ɔ ma. Gáa a ŋákâloŋ. Ŋa Yâwɛɛ marê kɛ̂i a gɛ́ɛ vé nɛ̀ɛ naa ŋá mɛni nyɔ́mɔɔ da kɛ́ a ŋɔkâloŋ è ǹɛi.” Sɔ̂ɔ è kùla gɔni-wôloi su é pîlaŋ berei ma. Nya ƃe Deeƃé è góno tèe a gɛ́ɛ vé pâi mɛni kɛ́ɛ tí kɛ̂i la. Sɔ̂ɔ ǹyaŋ è nâa lì pôlu bɔ́-naa. Deeƃé ǹyaŋ da ŋɔkɔ-kuluƃa-ŋai dí lene pôlu dí lí ƃɛ́i da kâa dí lòo naai.

⁸Deeƃé máŋ è kùla gɔni-wôloi su. È kɛ̀ kwaa kôya ma é láɣi ǹyɛɛi, “Gâloŋ!” Sɔ̂ɔ è tìnaŋ é gɔlɛ ma káa. Deeƃé è m̀aa pɛ̀lɛ ǹɔii ma

⁹ǹyɛɛi, “Gâloŋ, lé mɛni ƃé ya íwoli tɔ́ɔ la nûa dîa nyíi-ŋai m̀ôi yâ a gɛ́ɛ ŋa ŋ̀wɛ̂lii ŋá mɛni nyɔ́mɔɔ kɛ́ a yái?

¹⁰Ye gáa berei Yâwɛɛ è sâa ítɛ̀ɛ la ḿbɔ a gɛ́ɛ ŋá ísoŋ gɔni-wôloi sui. Ŋákɔ-kuluƃa-ŋai da-ni dí sâa kɛ̀ ŋ̀wɛ̂lii dí ípaa. Kɛ́lɛ ḿve sâa fáa ní ma. Ŋá sâa mò dîa ńyɛ̂ɛi, ‘Fé pâi mɛni ŋánaa kɛ̂i a Yâwɛɛ ŋɔkâloŋ.’

¹¹Gâloŋ, ƃɛ́ káa. Ŋá íseɣei gbua da tèe ma a tɔ̃yâ kɛ́lɛ fé ípaa ní. Gɔ́lɔŋ a gɛ́ɛ mɛni nyɔ́mɔɔ da fé ńii su é pîlaŋ yâ. Ḿve tá mɛni nyɔ́mɔɔ da kɛ́ ní a yá kɛ́lɛ yâ ŋ̀wɛ̂lii í ŋáfulu-laai su-kara.

¹²Ŋa pâi ǹɛɛ̂i naa Yâwɛɛ é kúmɛni ŋá tée kwa yá é ǹúui lɛ́ ŋ̀ɔi lɛ̂lɛɛi. Ŋa pâi Yâwɛɛ marê kɛ̂i é mɛni kpɔ̂lu láa yâ m̀ɛni-ŋai ya gɛ̂i a ńyãai maa mɛni ma. Kɛ́lɛ ḿve pâi mɛni nyɔ́mɔɔ da kɛ̂i a yá.

¹³Sãŋ woo pɔlɔ da a mò ǹyɛɛi, ‘Mɛni nyɔ́mɔɔ nɔ́ ƃé mɛni nyɔ́mɔɔ a kùla zu.’ Kɛ́lɛ ḿve pâi mɛni nyɔ́mɔɔ da kɛ̂i a yá.

¹⁴Gáa zɛŋ Eezuɛ kaloŋ a kɔ̂i a gɛ́ɛ é baai. Zɛŋ káa a gbɛ̂i? Ḿaa mɛni fé kpanaŋ ní kpîŋ yɛ̂ɛ ɣîla poma, kpaa máŋ yɛ̂ ɣîla ma kpafi.

¹⁵Tɔɔ Yâwɛɛ é kúloai káa kwa yá é gáa a gɛ́ɛ m̀ɛnii yâ kɔ̂i la ḿbɔi ńzɔŋ fé zu é ŋ́uŋ ma ƃó íyêei.”

¹⁶Deeƃé kpɛɛ m̀ɛni-ŋai ŋí kélee ƃôi, Sɔ̂ɔ ǹyɛɛ m̀ai, “Deeƃé ńoŋ, íwoo ƃe ŋí?” Sɔ̂ɔ è pɛ̀lɛ wɔ́lɔɔ ma ɣelêi pere.

¹⁷È mò Deeƃé ma ǹyɛɛi, “Íkaa a núu sã́a é tɛ́ɛ ḿâ. Í tùa a ńyãa a ƃaa kɛ́-maa pere, berei máŋ ŋá tùa nyɔ̂ŋ kɛ̀ la a yái.

¹⁸Ya berei lɛ́ ma í tùa la a ńyãai ífe ḿbaa ní, berei máŋ Yâwɛɛ è ńdɛɛ la ípɔi.

¹⁹Eêi kɛ̀ íkaa a ŋágbɔara nuu ífei fàa ma ŋá kúla a ḿvulu. Ŋa Yâwɛɛ marê kɛ̂i a gɛ́ɛ é fela-fei kɛ́tɛ tɛ́ɛ íp m̀ɛnii ŋí yâ sâa gɛ́ ḿî m̀ɛni ma.

²⁰Ŋaâ gɔ́lɔŋ a gɛ́ɛ yá ƃé pâi kɛ̂i a gâloŋ, ǹyaŋ ya pâi kɛ̂i a kâloŋ wála-wala.

²¹Ye íkóno-tee ńyêei Yâwɛɛ ŋɛ́i a gɛ́ɛ ífe pâi ŋásuui kélee paâi dí kpɛ́ɛ ŋ̀éniɛi ŋí su. Tɔɔ dí lɛ́ɛ a gɛ́ɛ ŋánuu suui láa fé kpɛ̀ɛ ɣéniɛ.”

²²Nya ƃe Deeƃé è góno tèe Sɔ̂ɔ yêei. Sɔ̂ɔ ǹyaŋ è nâa lì pôlu bɔ́-naa. Deeƃé ǹyaŋ da ŋɔkɔ-kuluƃa-ŋai dí lène pôlu dí lí ƃɛ́i da kâa dí lòo naai.