Read Kurada 1 Tesalonaika 4 Bible Online

1 Tesalonaika 4 - Kurada bible

1 Tesalonaika 4

¹Tahimaiyao, teina ginauli yana abaꞌovi, mwalona mumuga aveꞌitagomiu ebeha Yaubada amꞌabiye yaliyaya ta teina haugadine bada ammulitaediꞌo eeta havena amlaulaumwau na ebeha Bada Yeisu vehabana ampaihowa hamahamadudu.

²Yada Bada Yeisu yana loina yamohegomiuꞌo ta amhanapuidiꞌo.

³Yaubada nuwanuwana yami miya masemaselena na havena ammehemeheganawali,

⁴na ehebo ehebo amtawahola mumuga namwanamwana na dumwaluna ainaena.

⁵Havena nuwatuwu dawani dova hiya ganamuli Yaubada nigele hiyahanapui.

⁶Hinage havena vali tomowa mwanediyao amhalohaloidi mata dova Bada yana modiꞌini amlobai. Ginaulidine bada mwalona vehabadi avenuwamwauwegomiuꞌo.

⁷Wuwuna Yaubada ivesinuwaegita nigele mumuga biꞌibiꞌidi vehabana, na hesi mumuga masemaseledi vehabana.

⁸Ainaena ebe yaiya loina ihoꞌe nigele ebeha tomowa yadi loina na hesi Yaubada yana loina ihoꞌehoꞌe wuwuna Aluꞌaluwa Veꞌahihi iya nuwatuwu ana tauꞌabiye masele ta teina Yaubada yana aiyauya alidai.

⁹Tahidao adi velau vehabana, mata nigele ayalelediwa, wuwuna Yaubada bada iveꞌitagomiuꞌo eeta ambom bada amvelauyoigomiuꞌo.

¹⁰Dova hinage tahidao Masedoniya holanai bada amvelauwediꞌo. Eeta awalo huluhuluigomiu ta yami velauwone aidiyai imwalaꞌi.

¹¹Na hinage amtowoi ta ammiya daumwali na ambom yami paihowa ampaipaihowaidi, na havena tomowa yadi paihowa amvetavetalapiliyedi dova mwalona bada yawaloꞌo alimiyai.

¹²Teina ainaena mata hiya nigele Besinana ana tauyemidiwo hiveꞌahihiyegomiu eeta yami miya vehabana havena vali tomowa aidiyai amduiduivahali. Bada yana laugwaipilema vehabana

¹³Tahimaiyao, havena amnuwanuwapwanopwano taumwalomwalowoi vehabadi na ebe teya ada gelu imwalowoi, havena amnuwanuwayababa dova hiya nigele yadi yemidi towolouyo ainai.

¹⁴Na ita Yeisu tayemidiyei ebeha mwalowoiyena itowolouyo na hinage tayemidiyei ebeha ada geluwo bada himwalowoiꞌo, Yaubada abo ilauvaidi Yeisu baidanao.

¹⁵Teina yada Bada yana walo awalowaloweine alimiyai ebeha haugana iwuyoma hiya taumwalowoi Besinana hilobai mugaiyei na ita mayawahida mulitai.

¹⁶Wuwuna Bada alinana mwalaꞌina howola imahalava, na tausagenawasao adi taumugai hinage iyoga yo hinage yoguli hiyuvi mwalaꞌina na Badawa galewaena iꞌaituluma na taumwalowoiwo mwalona Besinana ana tauyemidiwo hitowolo mugai,

¹⁷na hinage ita howola mayawahida hiya baidadao tahae galewai na yada Bada baidada tavelaulobaloba yaloyalovi ainai na iya baidada tamiya vateyai.

¹⁸Eeta teina wasane ainaena amꞌabiye wahiyalagomiu yo amyaliyaya.