Read Kurada 2 Tesalonaika 1 Bible Online

2 Tesalonaika 1 - Kurada bible

2 Tesalonaika 1

¹Yau Paulo na Sailasa yo Timoti baidaguwao yami leta aleleyawa omiu Yaubada yana bodao Tesalonaika alimiyai, wuwuna omiu Tamada Yaubada yo Bada Yeisu Besinana adi taumulitao.

²Tamada Yaubada yo Bada Yeisu Besinana yadi veꞌiꞌilaena ammiya daumwali. Besinana howola abo iwuyoma tomowa adi loina vehabana

³Tahimaiyao, ilowoinanegai ebeha hauga maudoina Yaubada aꞌawa yawedowei wuwuna yami yemidi iꞌiniꞌini yo yami velau ambom alimiyai imwalamwalaꞌi.

⁴Ainaena Yaubada yana bodao maudoidi mehediyai anoꞌonoꞌowegomiu, awalo, ‘Hiya Tesalonaika moiha tauꞌalamaꞌiꞌita. Bwagana adi alehao vitai mwalaꞌina himohemohedi na hesi mayadi alamaꞌiꞌita yo mayadi yemidi Yaubada ainai’.

⁵Teina abaꞌita howahowana ainaena Yaubada yana loina dumwaluna tahanapui, wuwuna yami miya vitai aidiyena iꞌabiye wahiyalagomiu, eeta ami muyao vehabadi yana abaloina ana luwu ilowoinanegomiu.

⁶Na ami tauꞌabiye muyamuyao adi maiha Yaubada iꞌatububuniyaꞌo ta yana modiꞌini mata hilobai.

⁷Na hesi omiu taumiya vitai ihaguigomiu, neta howola abo Bada Yeisu galewaena iꞌaitulu mwayamwayauma, mayana tausagenawasao wahiwahiyaladi na hinage aiwa alaꞌalahawawalina ivaiyama, na omiu yo ai yada aiyawasi abo imohegita,

⁸na hibom yada Bada Yeisu Besinana wasana hitaꞌwataꞌwataeiwa ta Yaubada hiteibabaeine abo adi maiha vitavitaina imohedi.

⁹Mata himiyawahi na hisilahe vateyai dalava alaꞌalawowolina ainai, nigele yana abaꞌovi na Bada manina yo yana wahiyala wasawasana yo ana walo vetuvehae nigele howahowana hiꞌita.

¹⁰Eeta haugana ilaoma ana noꞌo mwalaꞌina abo ilobai yana paihowa abanuwapwanopwano vehabadi ana tauyemidiwo masemaseledi aidiyena. Na omiu mwalona wasana amohegomiu ta amyeyemidiyeiwa howola abo omiu baidamaiyao Yeisu yana mahalava ainai tanoꞌowei.

¹¹Mwalona Yaubada ivesinuwaigomiu ta iyogaegomiu ainaena amyeyemidiyeine. Teina vehabana ai hauga maudoina aꞌawaꞌawanoi vehabamiu ta ebe ammulita moiha. Wuwuna omiu nuwanuwamiu na yemidi moiha ainaena ammumuga dumwalu eeta yama awanoi Yaubada ainai ebeha iꞌabiye wahiyalagomiu na yami paihowaone ampaihowaidi.

¹²Teina ainaena mata tomowa maudoidi yada Bada Yeisu yehana hinoꞌowei, omiu yami paihowa namwanamwadi vehabadi. Na hinage walo vetuvehae mata amlobai ibom yehanaena, wuwuna omiu Yaubada yo Bada Yeisu Besinana yadi veꞌiꞌila alimiyai.