Read Kurada 2 Yoni 1 Bible Online

2 Yoni 1 - Kurada bible

2 Yoni 1

¹Yau yami bada, na owa waihiu Yaubada ivesinuwaigo ta manatumwao alimiyai leta teina yaleleyawa. Yaꞌawa yauwedo mwalaꞌina alimiyai na hinage hiya amwaha moiha ana taumulitao hiꞌawa yauwedo alimiyai.

²Wuwuna walomoiha atedai imiyamiya na alidai imiya vateyai.

³Ainaena Tamada Yaubada na Natuna Yeisu Besinana yadi veꞌiꞌilaena yo yadi atemuyamuyaena yo yadi nuwadaumwaliyena ammiyamiya mayami awamoiha yo hinage mayami velau. Yeisu Wasana amꞌabi avivini ilimani

⁴Mugai tupwadi natumwao yaꞌitadi amwaha dumwaluna himulimulitaedi, dova ada loina Tamada ainaena, eeta yayaliyaya mwalaꞌina.

⁵Waihiu ee, yaꞌawanoiyego ebeha teina nigele loina vauvauna yayaleleyawa na hesi loina miyamiyanawa mugai ambenalenaꞌo ebeha maudoida tavelauyowegita.

⁶Velau ainona teina ebeha Yaubada yana loina tamulimulitaedi, na loinanane mugai ambenalenaꞌo ebeha velau yana amwahaena talau.

⁷Na tauꞌoyamaꞌo bahudi bada himahalavaꞌo baleꞌuwai ta Yeisu Besinana hiuvauvalaei, hiwalo, ‘Nigele iyayemala tomowa’. Eeta yaiya iꞌoyaꞌoyama, iya Besinana ana aleha.

⁸Ainaena tauꞌoyamaone aidiyena amꞌita avivinigomiu ta yami paihowa ana moiha havena amvetavetaudawani, na hesi ami maiha maudoina Yaubada mata imohegomiu.

⁹Hiya yaiyadiwo Besinana hilaugabaei na yana veꞌita nigele hiyamulitaei Yaubada hinage himiya vehuluyaꞌo, na ebe Besinana yana veꞌitao amꞌabi avivinidi, Tamada yo hinage Natuna alimiyai himiyamiya.

¹⁰Ainaena ebe yaiya alimiyai ilaoma na yana veꞌita vagana, havena amyogayogaei yami vadai bo amwalowalo velauwei.

¹¹Havena amyogayogaei mata dova ta yana paihowa yababanawa ainai amhagui. Walo yana abaꞌovi

¹²Ginauli bagibagilidi himiyamiya ta ebeha vehabadi yalaulelewa, na hesi nigele nuwanuwagu pepa ainai yalaulele, wuwuna yanuwatuwu avivini mata mulitai yalaowa ta omiu baidaguwao taꞌauꞌaubabada, na tayaliyaya ovi.

¹³Tahim iya Yaubada ivesinuwaenaꞌo natunao yadi awayauwedo alimwai.