Read Kurada 3 Yoni 1 Bible Online

3 Yoni 1 - Kurada bible

3 Yoni 1

¹Yau yami bada, na leta teina yaleleyawa owa augelu Gayosi alimwai. Walo moiha, ateguwena yavelau alimwai.

²Augelu, mayagu awanoi Yaubada ainai amnam yana miya namwanamwa vehabana, wuwuna yahanahanapui aluꞌaluwam yana miya namwanamwana.

³Mugai yayaliyaya mwalaꞌina haugana tahidiyao tupwadi hilaoma ta yam mumuga dumwaluna vehabana hiꞌaubabadaei, wuwuna walomoiha ainaena ulaulau.

⁴Teina dova wasa neta yagu abayaliyaya mwalaꞌina, wuwuna natuguwao walomoiha ainaena amlaulau.

⁵Augelu yam hagu yo yam paihowa tahidao yo taumanao aidiyai vehabana haugana himahalavawa yam dalavai, neta paihowa namwanamwana.

⁶Na tahidaone hilaugwaipileuyomaꞌo ta yam hagu aidiyai vehabana hiwalowalo mahalava tautapwalolo alimaiyai. Walo moiha, owa Yaubada yana taupaihowa, ainaena ilowoinanei yo ebe hilalaugabaigo adi nimaꞌabi hinage umohedi.

⁷Hiya Besinana yehanaena hiꞌadaꞌadau taꞌiꞌili, na nigele hiyatalam hagu vehabana taumiya ganamuli aidiyena.

⁸Eeta ilowoinanegita ebe ita tahaguidi, ta ainaena baidadao tavetaupaihowa toyawa walomoiha ainai. Ada tauhaguwo yo ada tauꞌalehao vehabadi

⁹Ami venuwamwau yaleleyawaꞌo tautapwalolo alimiyai na towahone yehana Diyotilipi nuwanuwana na ibom iloiloinaegomiu, ta ainaena yagu loina iꞌauꞌauhi.

¹⁰Na nigele yabom iyavetavetala piliyegau na hinage tahidaone nigele iyayaliyayaidi na tautapwalolo isosomanaedi wuwuna tahidao hihaguhaguidi vehabana. Eeta ebe hauganane yamahalavawa, yana mumugaone vehabadi yaꞌaubabada.

¹¹Augeluwo, havena mumuga yababana ammulimulitaei, na mumuga namwanamwana hesi. Walo moiha, taunamwanamwao hiya Yaubada yana bodao, na tauyababao nigele Yaubada hiyahanapui.

¹²Na Dimitilo iya towaho namwanamwana. Tomowa bahudi yadi walomahalava dova, wuwuna hiya veꞌita moiha ana taumulitao hiwalo mahalava ebeha Dimitilo towaho namwanamwana, na yau hinage yagu walomahalava dova, yo yagu walomahalava amhanahanapui neta ebeha walo moiha. Walo yana abaꞌovi

¹³Ginauli bahudi himiyamiya yo nuwanuwagu vehabadi yalaulelewa na hesi nigele nuwanuwagu pepa ainai yalaulelewa,

¹⁴wuwuna yanuwatuwu aviviniyaꞌo mata muhamuhana abo yalaowa na owa baidagu taꞌaubabada.

¹⁵Ada geluwo teina yadi awayauwedo alimiyai. Na ada geluwo netai maudoidi hinage aidiyai yagu awayauwedo uwalo mahalavaei. Yaubada yana nuwadaumwali imiya vahaligomiu.