Read Kuranko Ko-Dabirɛnu 13 Bible Online

Ko-Dabirɛnu 13 - Kuranko bible

Ko-Dabirɛnu 13

¹Burama anubɛ ala musi bɔra Iyipiti anu bolo-fan bɛɛsi la anu bolo. Anu sɛgira Kenan nyamanɛ rɔ dugula wara la. Lɔti bilanɛ anu fɛ.

²Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk!

³A tora yilan-yilanna Kenan nyamanɛ rɔ ha a tara gbɛrɛn Bɛtɛli soe ma. A tara sigi a gbɛ rɔ tun Bɛtɛli soe ani Eyai soe tɛma,

⁴a ya saraka-mintan-tinɛ sɔ kan tinɛ min tɔ nun. Burama ya baraka bira Mari ye ka a bato.

⁵Burama kɔrɔla dan Lɔti min bilara a fɛ nun, kolo-fen siyaman bi wo fanan bolo. Denbaya-tigi le Lɔti la, ado yɔɔnnu bi a bolo fanan.

⁶Kɛlɛ-nyɔgɔnyɛ taranta Buramata kolo-fen-kandannɛnu anubɛ Lɔtila kolo-fen-kandannɛnu tɛma. Kolo-fannu siya anu mɔgɔ filɛ bolo min kɛ, woletɔ anu ma ke sigila anu nyɔgɔn fɛ nyamanɛ wo rɔ ka a tɛgɛ kolo-fen de-nyini tinɛla ko la. Kenannu anubɛ Perasanu fanan siginɛ nyamanɛ wo rɔ wo wati rɔ.

⁸Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la.

⁹Nba, Lɔti, nyamanɛ kɛ bɛɛ mafɛlɛn. N bi i madiyala, a fisa, ma ni fara. Ni i ya bolo maran waralɛ bi ila kolo-fannu ye, nde si ta bolo nyimɛ rɔ. Ni i ya bolo nyimɛ waralɛ bi, nde si ta bolo maran rɔ.”

¹⁰ Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

¹¹Woletɔ Lɔti ya Yorodan-ba-lɛɛ waralɛ wo bi a nyɛrɛ ye. Anubɛ Burama bɔra anu nyɔgɔn fɛ. Lɔti anubɛ ala kolo-fannu tara tele-bɔɛ wara la.

¹²Burama tora siginɛ Kenan nyamanɛ rɔ. Lɔti anubɛ ala denbayɛnu ya anu daga makɛ soe minnu sɔnɛ Yorodan bɛ dafɛ. Ale nyɛrɛ ya ala fani-bɔn sɔ Sɔdɔm soe dafɛ.

¹³Sɔdɔm kɛ wonu yogo dɔgɔma-ma-de, ado anu bi hakɛ kɛla Mari la kati!

¹⁴Lɔti bɔnɛ Burama fɛ, Mari ya a fɔ Burama ye ko, “Nyamanɛ kɛ tonko nanɛ mafɛlɛn.

¹⁵ I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

¹⁶N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

¹⁷I lasɔ ka nyamanɛ kɛ tonko nanɛ bɛɛ ratagama kamasɔrɔn n bi nala a dila i ma.”

¹⁸Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.