Read Kuranko Ko-Dabirɛnu 5 Bible Online

Ko-Dabirɛnu 5 - Kuranko bible

Ko-Dabirɛnu 5

¹ Hadama-sɔrɛnu tɔgɛ le kɛnu na. Alla ya mɔgɛ dan tumɛ min, a ya anu dan a nyɛrɛla muninyɛ rɔ.

² A ya kei anubɛ musi dan ka ata duwɛ layigi anu kuma ka anu tɔgɔ sa hadama-dannu.

³Hadama ye Sɛti sɔrɔnna tumɛ min, wo ya a taran, a ara san kɛmɛ ani san bi-sawa bɔ dugu-kole kuma. Hadamala muninyɛ le Sɛti wo la.

⁴Sɛti sɔrɔn kɔma, Hadama ya san kɛmɛ segin bɔ. A sɛgira dan donu sɔrɔnna tun.

⁵Hadama siyi-tele bɛnta san kɛmɛ kɔnɔntɔ ani san bi-sawa (930) ma, a nara to fagala.

⁶Sɛti sɔrɔn ya san kɛmɛ ani san loli bɔ (105) tumɛ min, a ya Inɔsi sɔrɔn.

⁷Inɔsi sɔrɔn kɔma, Sɛti ya san kɛmɛ segin ani san wɔrɔnfila (807) bɔ. A sɛgira dan donu sɔrɔnna tun.

⁸Sɛti siyi-tele bɛnta san kɛmɛ kɔnɔntɔ ani san tan-ni-fila (912) ma, a nara to fagala.

⁹Inɔsi sɔrɔn ya san bi-kɔnɔntɔ bɔ tumɛ min, a ya Keyanan sɔrɔn.

¹⁰Keyanan sɔrɔn kɔma, Inɔsi ya san kɛmɛ segin ani san tan-ni-loli (815) bɔ. A sɛgira dan donu sɔrɔnna tun.

¹¹Inɔsi siyi-tele bɛnta san kɛmɛ kɔnɔntɔ ani san loli (905) ma, a nara to fagala.

¹²Keyanan sɔrɔn ya san bi-wɔrɔnfila bɔ tumɛ min, a ya Mahalalɛli sɔrɔn.

¹³Mahalalɛli sɔrɔn kɔma, Keyanan ya san kɛmɛ segin ani san bi-nani (840) bɔ. A sɛgira dan donu sɔrɔnna tun.

¹⁴Keyanan siyi-tele bɛnta san kɛmɛ kɔnɔntɔ ani san tan (910) ma, a nara to fagala.

¹⁵Mahalalɛli sɔrɔn ya san bi-wɔrɔ ani san loli bɔ tumɛ min, a ya Yɛrɛdi sɔrɔn.

¹⁶Yɛrɛdi sɔrɔn kɔma, Mahalalɛli ya san kɛmɛ segin ani san bi-sawa (830) bɔ. A sɛgira dan donu sɔrɔnna tun.

¹⁷Mahalalɛli siyi-tele bɛnta san kɛmɛ segin, san bi-kɔnɔntɔ ani san loli (895) ma, a nara to fagala.

¹⁸Yɛrɛdi ya san kɛmɛ san bi-wɔrɔ ani san fila bɔ tumɛ min, a ya Inɔki sɔrɔn.

¹⁹Inɔki sɔrɔn kɔma, Yɛrɛdi ya san kɛmɛ segin (800) bɔ. A sɛgira dan donu sɔrɔnna tun.

²⁰Yɛrɛdi siyi-tele bɛnta san kɛmɛ kɔnɔntɔ san bi-wɔrɔ ani san fila (962) ma, a nara to fagala.

²¹Inɔki ya san bi-wɔrɔ ani san loli bɔ tumɛ min, a ya Mɛtusala sɔrɔn.

²²Mɛtusala sɔrɔn kɔma, Inɔki tora Allala kilɛ fɛ san kɛmɛ sawa. A sɛgira dan donu sɔrɔnna tun.

²³Inɔki siyi-tele bɛnta san kɛmɛ sawa san bi-wɔrɔ ani san loli (365) ma.

²⁴ Inɔki tora Allala kilɛ fɛ. A tununta yen! Wo mara bawo Alla tara a la a warɛ.

²⁵Mɛtusala ya san kɛmɛ san bi-segin ani san wɔrɔnfila (187) bɔ tumɛ min, a ya Lamɛki sɔrɔn.

²⁶Lamɛki sɔrɔn kɔma, Mɛtusala ya san kɛmɛ wɔrɔnfila san bi-segin ani san fila (782) bɔ. A sɛgira dan donu sɔrɔnna tun.

²⁷Mɛtusala siyi-tele bɛnta san kɛmɛ kɔnɔntɔ san bi-wɔrɔ ani san kɔnɔntɔ (969) ma, a nara to fagala.

²⁸Lamɛki ya san kɛmɛ san bi-segin ani san fila (182) bɔ tumɛ min, a ya den-kei sɔrɔn.

²⁹A ya a tɔgɔ sa Nowa bawo tɔgɛ wo kɔrɛ le iko mɔgɛ wa a fɔ ko, “Lafɛrɛ.” A ko, “Mari ara dugu-kole min danka, Nowa kɛ si na lafɛrɛ la ma ye mala wɔlɛla ko la.”

³⁰Nowa sɔrɔn kɔma, Lamɛki ya san kɛmɛ loli san bi-kɔnɔntɔ ani san loli (595) bɔ. A sɛgira dan donu sɔrɔnna tun.

³¹Lamɛki siyi-tele bɛnta san kɛmɛ wɔrɔnfila san bi-wɔrɔnfila ani san wɔrɔnfila (777) ma, a nara to fagala.

³²Nowa sɔrɔn ya san kɛmɛ loli (500) bɔ tumɛ min, a nara to den-kei mɔgɔ sawa sɔrɔnna, Sɛma wo, Hama wo, anubɛ Yefɛti.