Read Kuranko 2 Mansɛnu 17 Bible Online

2 Mansɛnu 17 - Kuranko bible

2 Mansɛnu 17

¹Yuda Mansa Ehasila mansayɛ san tan-ni-fila nyɔgɛ ma, Ilala den Hoseya mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san kɔnɔntɔ kɔrɔ.

²A ya hakɛ kɛ Mari la kɔnɔ a ma ke Isirɛla mansɛ doinutɛ rɔ.

³Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

⁴Kɔnɔ san do la, Mansa Hoseya ya kilayɛ lata Iyipiti mansɛ ma Sasi soe burɔ alako wo ni na a dɛnbɛ kɛlɛ la. San wo nyɛrɛ la, a ma sɔn a kunka-fen-wo-fenfen latala Asiriya mansɛ ma. Mansa Salamanisa ya wo lɔn min kɛ ko Mansa Hoseya ye a yanfa tinɛ le, a ya a ma, anu ya ale Mansa Hoseya bira ka a ladon yele la.

⁵Wo kɔma, Mansa Salamanisa tara bui Isirɛla nyamanɛ ma ka kurɔn don Samariya soe ma. Kɛ mara Mansa Hoseyala mansayɛ san wɔrɔ nyɔgɛ le ma. Anu tora kɛlɛ wo kun na Samariya soe burɔ ha san sawa kɔrɔ.

⁶Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

⁷Samariya soe kasarata bawo Isirɛla mɔgɛnu ya hakɛ kɛ anuta Mari Alla la min ya anu nabɔ yɔɔnyɛ rɔ nun Iyipiti mansɛ bolo. Alla ara Kenan kɛ minnu gben anu yarɔ nun, anu tora wonuna bɛsɛnu kɔla. Anu ya anu sanka wonu ma ka wonu sɔn bi, ado Isirɛla mansɛnu fanan tora sɔn wo le la anu bolo.

⁹Isirɛla mɔgɛnu tora anuta Mari Alla tanama-ko-yogoma-siyaman mala. Anuna so-kunbɛnu wo, anuna so-mɛsɛnu wo, anu ya bɛsi-kɔ-tinɛnu sɔ nyɔnu tɔ.

¹⁰ Anu ya kuri anubɛ kɔlɔmanu lɛsɛ ka wonu sigi kɔnkɔ-kolo-wɛnu kuma anubɛ kɔlɔma-kuru-wɛnu kɔrɔ. Anu ya kɔlɔma wo lɛsɛ musila muninyɛ la ka wo kele ko Asura.

¹¹Anu tora isɛnti mintanna Alla-batobɛlɛnuna kan-tina-mayɛlɛnɛnu tɔ iko Mari ya mɔgɛ minnu gben anu yarɔ, wonu ya a ma nya min. Anu ya a ma, Mari fonde bɔra anu kuma anuna ko-yogomɛ wonuna ko la.

¹² Anu ya Marila tɔnnu tinya ka bɛsɛnu kɔ.

¹³Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

¹⁴Kɔnɔ hali wo, Isirɛla mɔgɛnu ma sɔn Marita kumɛ tola a gbɛ rɔ. Anu tole gberenɛ iko anu benbanu bawo wonu ma la anuta Mari Alla la.

¹⁵Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

¹⁶ Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

¹⁷ Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

¹⁸Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

¹⁹Kɔnɔ hali wo, Yuda mɔgɛ wonu denu ma anuta Mari Alla sako kɛ. Wonu fanan ya anu sanka Isirɛla mɔgɛnu ma ka anu sɔn bi.

²⁰Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

²¹Fɔlɔ nun, nyamani kelen de Isirɛla nyamanɛ anubɛ Yuda nyamanɛ la. Mari ya Yuda nyamanɛ anubɛ Isirɛla nyamanɛ fara tumɛ min, Isirɛla mɔgɛnu ya Nebatila den Yɛrabowami ma anuna mansɛ la. Mansa Yɛrabowami wo ya a ma, Isirɛla mɔgɛnu ya anu bɔ Marita kilɛ fɛ. A ya a ma, Isirɛla mɔgɛnu donta ko-yogomɛ kɛnu tɔ.

²²Isirɛla mɔgɛ wonu fanan bilara Mansa Yɛrabowami fɛ hakɛ rɔ tolon!

²³Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.[15]

²⁴So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu[16] tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

²⁵Asiriya wonu sigira Samariya tumɛ min, anu ma sɔn Mari batola. Wo le ya a ma, Mari ya yarɛnu natugu anu ma. Wonu ya mɔgɛ donu faga anu tɔ.

²⁶Mɔgɛ do tara a fɔ Asiriya mansɛ wo ye ko, “I ya mɔgɛ minnu nata Samariya, wonu ma nyamanɛ wota allata sereyanu lɔn. Woletɔ nyɔ-alla wo ya yarɛnu natugu anu ma. Wonu ya donu faga anu tɔ.”

²⁷Asiriya mansɛ wo ya a fɔ anu ye ko, “Kɛlɛ nara anuta saraka-masɔlɛ minnu na, wo ta wo kelen to Samariya alako wo ni to mɔgɛ wonu karanna anuta bɛsɛta tɔn-bira-nya la.”

²⁸Anu ya saraka-masɔlɛ minnu bira Samariya soe burɔ, anu nara wo mɔgɔ kelen na ka wo sigi Bɛtɛli soe burɔ. Wo tora mɔgɛnu nabilala Mari-bato-nya la.

²⁹Kɔnɔ hali wo, sundan wo minnu siginɛ Samariya nyamanɛ rɔ, wonu tora anuta bɛsɛnu nadanna anu nyɛrɛ ye. Isirɛla mɔgɛnu ya anuna bɛsɛnu sigi kan-tina-mayɛlɛnɛ minnu tɔ fɔlɔ nun, sundan wonu ya anuna bɛsɛnu sigi nyɔnu tɔ. Anu tora anuna bɛsɛnu sigila anu dan na iko anu duruta a mala nya min anu halala-soenu tɔ.

³⁰Babilɔn kɛnu ya anuna bɛsɛ ladan min tɔgɛ le Sukɔti-Binoti. Kuti kɛnu ya anuna bɛsɛ ladan min tɔgɛ le Nɛragali. Hamati kɛnu ya anuna bɛsɛ ladan min tɔgɛ le Asima.

³¹Ifa kɛnu ya anuna bɛsɛnu nadan minnu tɔgɛ le Nibahasi anubɛ Tarataki. Sifafeyim kɛnu ya anuna bɛsɛnu nadan minnu tɔgɛ le Adamɛlɛki anubɛ Anamɛlɛki. Wonu kɛnɛna anuna dannu mintanna bɛsɛ kɛnu ye.

³²Hali anu bi Mari fanan batola, anu ya mɔgɛnu yabɔ anu nyɔgɔn tɛma ka wonu ma anuna bɛsi-kɔlɛnu na. Bɛsi-kɔlɛ kɛnu kɛnɛna anuna sarakɛnu bɔla Alla-batobɛlɛnuna kan-tina-mayɛlɛnɛnu tɔ.

³³Anu tora Mari batola kɔnɔ hali wo, anu tora anuna bɛsɛnu fanan kɔla iko anu barɛ namu ye nya min.

³⁴ Anu bi anuna namu-kɔrɛ wo kun na ha bi.[17] Anu sa Mari batola anu yisi bɛɛ la, ado Mari ya tɔn minnu di Yakoba kegeyɛnu ma, Isirɛla mɔgɛnu, kɔni, anu sa sɔnna wonu birala.

³⁵ Mari anubɛ Isirɛla mɔgɛnu sarata min ma nun, a ko, “Wo kana bɛsi-wo-bɛsi bato. Wo kana wo nyɛnkin anu kɔrɔ ka anu kɔ. Hali ka sarakɛnu bɔ wonu ye, wo kana a ma.

³⁶ Nde min ya wo kunyɛ bɔ yɔɔnyɛ rɔ Iyipiti nyamanɛ rɔ nta fanka-belebele la, wo ni nde le kelen pe bato. Wo si wo nyɛnkin nde le kɔrɔ ka sarakɛ bɔ nde ye.

³⁷N bara tɔn minnu sɛbɛ wo ye, wo ni wonu namara gben! Wo kana bɛsi-wo-bɛsi kɔ.

³⁸Ma sarata min ma, wo kana nyina wo ko.

³⁹Wo ni nta kumɛnu to anu gbɛ rɔ bawo wota Mari Alla le nde la. Ni wo ya wo ma, n si wo latanka wo yogenu ma.”

⁴⁰Kɔnɔ hali wo, anu ma sɔn anu tole masɔla a la. Anu tora anuna namu-kɔrɛnu denu kun na.

⁴¹Woletɔ mɔgɛ kɛnu bi Mari batola kɔnɔ hali wo, anu bi anuna bɛsɛnu kɔla fanan. Ha bi,[18] anu kegeyɛnu bi wonu kun na.