Read Kuranko 1 Ko-Kɔrɔta-Karan 9 Bible Online

1 Ko-Kɔrɔta-Karan 9 - Kuranko bible

1 Ko-Kɔrɔta-Karan 9

¹Anu ya Isirɛla kebilɛ bɛɛ tɔgɛ sɛbɛ Isirɛla mansɛnuna buku do rɔ iko kebilɛ wonu tugunnɛ anu nyɔgɔn na nya min. Kɛlɛ tara Yuda kɛnu na Babilɔn nyamanɛ rɔ ka a tɛgɛ anuna hakɛla ko ma.

²Mɔgɔ fɔlɔtɛ minnu fɔlɔn sɛgira anu halala-dugi anubɛ anuna soenu tɔ, wo le saraka-masɔlɛnu anubɛ Lifayinu anubɛ Bato-Bon-wɔli-kɛlɛ donu anubɛ Isirɛla mɔgɛ donu.

³ Yuda bɔnsɔn-mɔgɛ donu wo, Bɛnyamɛ bɔnsɔn-mɔgɛ donu wo, Ifɛrɛm bɔnsɔn-mɔgɛ donu wo, anubɛ Manasa bɔnsɔn-mɔgɛ donu, wonu tara anu sigi Yerusalɛm soe burɔ.

⁴Yuda bɔnsɔn-mɔgɛ minnu sɛgira Yerusalɛm soe burɔ ka sigi nyɔ, wo le yatɛ bɛnta mɔgɔ kɛmɛ wɔrɔ, mɔgɔ bi-kɔnɔntɔ (690) ma. Yudala den Pɛrɛsi, wota kebila-kunyɛ min nara ka bɔ Babilɔn, wo tɔgɛ le Yutayi. Yutayi wo fa tɔgɛ le Amihudi. Amihudi wo fa tɔgɛ le Hɔmɔri. Hɔmɔri wo fa tɔgɛ le Imiri. Imiri wo fa tɔgɛ le Bani. Yudala den Pɛrɛsi kɛ kegeyɛ le Bani kɛ la. Yudala den Sela, wota kebila-kunyɛ min nara ka bɔ Babilɔn, wo tɔgɛ le Asaya. Yudala den Seraha, wota kebila-kunyɛ min nara ka bɔ Babilɔn, wo tɔgɛ le Yuwɛli.

⁷Bɛnyamɛ bɔnsɔn-mɔgɛ minnu sɛgira Yerusalɛm soe burɔ ka sigi nyɔ, wonu tɔgɛ le kɛnu na, Salu wo, Ibinɛya wo, Ila wo, anubɛ Mɛsulam. Salu wo fa tɔgɛ le Mɛsulam. Mɛsulam wo fanan fa tɔgɛ le Hodafaya. Hodafaya wo fanan fa tɔgɛ le Hasɛnuwa. Ibinɛya wo fa tɔgɛ le Yɛroham. Ila wo fa tɔgɛ le Yusayi. Yusayi wo fa tɔgɛ le Mikiri. Mɛsulam min nara ka bɔ Babilɔn, wo fa tɔgɛ le Sɛfataya. Sɛfataya wo fanan fa tɔgɛ le Ruwɛli. Ruwɛli wo fanan fa tɔgɛ le Ebenaya.

⁹Minnu ma ara dan kɛ la, kebila-kunyɛ le wonu na. Bɛnyamɛ bɔnsɔn-mɔgɛ minnu sɛgira ka sigi Yerusalɛm soe burɔ, wonu yatɛ bɛnta mɔgɔ kɛmɛ kɔnɔntɔ, mɔgɔ bi-loli ani mɔgɔ wɔrɔ (956) ma.

¹⁰Saraka-masɔlɛ minnu sigira Yerusalɛm soe burɔ, wonu tɔgɛ le kɛnu na, Yɛdaya wo, Yɛhoyariba wo, Yakin wo, Asaraya wo, Adaya wo, anubɛ Meyaseyeyi. Asaraya wo benbanu tɔgɛ le kɛnu na, Helikaya wo, Mɛsulam wo, Sedoki wo, Mɛrayoti wo, anubɛ Ahituba. Bato-Bɔn fɛ-biralɛnuna kun-tigi le ale Asaraya la. Adaya wo benbanu tɔgɛ le kɛnu na, Yɛroham wo, Pasura wo, anubɛ Malakiya. Meyaseyeyi wo benbanu tɔgɛ le kɛnu na, Adeyɛli wo, Yasɛra wo, Mɛsulam wo, Mɛsilemiti wo, anubɛ Imɛri.

¹³Saraka-masɔlɛ minnu ma ara dan kɛ la, kebila-kunyɛ le wonu na. Wonu yatɛ bɛnta mɔgɔ waga kelen, mɔgɔ kɛmɛ wɔrɔnfila ani mɔgɔ bi-wɔrɔ (1,760) ma. Saraka-masɔlɛ wonu ya Bato-Bon-ko-wɔlɛ lɔn a nya bɛrɛbɛrɛ ma.

¹⁴Lifayi bɔnsɔn-mɔgɛ minnu sigira Yerusalɛm soe burɔ, wonu tɔgɛ le kɛnu na, Sɛmaya wo, Bakibakari wo, Hɛrɛsi wo, Kelali wo, Matanaya wo, Hɔbadaya wo, anubɛ Bɛrɛkaya. Sɛmaya wo benbanu tɔgɛ le kɛnu na, Hasubu wo, Asiraikam wo, anubɛ Hasabaya. Wonu bɔra Mɛrari kebilɛ rɔ. Matanaya wo benbanu tɔgɛ le kɛnu na, Maika wo, Sikiri wo, anubɛ Esafi. Hɔbadaya wo benbanu tɔgɛ le kɛnu na, Sɛmaya wo, Kelali wo, anubɛ Yɛdutun. Bɛrɛkaya wo fa tɔgɛ le Esa. Esa wo benba tɔgɛ le Ɛlakena. Ɛlakena kɛ sigira Nɛtofa soe tɛngbɛnya do rɔ.

¹⁷Bato-Bɔn da-makandannɛ minnu sigira Yerusalɛm, wonu tɔgɛ le kɛnu na, Salumu wo, Akubu wo, Talamɔn wo, anubɛ Ahaiman. Anuna kun-tigi le anu na-kelen-nyɔgɛ Salumu kɛ la.

¹⁸Salumu kɛ kebilɛ le Bato-Bɔn tele-bɔɛ waralɛ-dɛ makandanna, anu si min kele Mansa Don Dɛ. Fɔlɔ nun, dɛ minnu bi Lifayi mɔgɛnuna dagɛ wara la, anu bi wonu denu makandanna.

¹⁹Salumu kɛ, Kɔri sɔrɛ do le ale la. Ibayasafi ya Kora sɔrɔn. Kora ya Salumu sɔrɔn. Salumu kɛnubɛ Kora sɔrɛ donu, wonuta wɔli le Bato-Bon don-da-makandan la iko anu benbanu ya Fani Bon dɛ makandan nya min nun.

²⁰Fɔlɔfɔlɔ nun, Finihasila den Ɛliyasa, wo le ye da makandannɛnu kun na nun, ado Mari tora a fɛ.

²¹Mɛsɛlɛmayala den Sakaraya, wo le ye Marita Fani-Bɔn don-dɛ makandanna nun.

²²Da-makandannɛ minnu mumɛ bɛɛsi ye nyɔ rɔ, wonu yatɛ bɛnta mɔgɔ kɛmɛ fila ani mɔgɔ tan-ni-fila (212) ma. Anu ya bɛɛ tɔgɛ sɛbɛ ata soe tɔgɛ kɔrɔ. Mansa Dawuda anubɛ Nɛbi Samuwɛli wonu denu ya telenbagaya-wɔlɛ kɛnu di mɔgɛ kɛnu benbanu ma.

²³Wonubɛ anu kegeyɛnuta wɔlɛ mara Bato-Bon-da-makandan la Marita Fani-Bɔn, kɔni.

²⁴Minnu bi dɛ wonu makandanna, anu si do sigi tele-bɔɛ wara la. Anu si do sigi tele-yigi wara la. Anu si do sigi kantɔ-wara la. Anu si do sigi dugula wara la. Makandannɛ kɛ bɛɛta kunyɛ ye nyɔ rɔ.

²⁵Anu na-kelen-nyɔgɛ minnu siginɛ so nɛ doinu tɔ, wonu kɛnɛna anu dɛnbɛna kandali-kɛ-ko-wɔlɛnu na. Anu tatalanɛ kurun-kurunyɛ ma. Tele wɔrɔnfila wo tele wɔrɔnfila, anu si anu ta-nyɔgɛnu yɛlɛman.

²⁶Kun-tigi nanɛ minnu bi makandannɛ kɛnu kuma, Lifayi le wonu na. Wonu denu bi Bato-Bon-konkonu fɛ-birala anubɛ fan minnu namaranɛ nyɔ.

²⁷Wonu ti anu masɛgi Bato-Bɔn la bawo anu denuta wɔli le Bato-Bon-makandan-ko-wɔlɛ la. Sɔgɔma-wo-sɔgɔma anu si dɛ wonu naka.

²⁸Lifayi donu bi Bato-Bɔn wo mirannu fɛ-birala. Mɔgɛnu ba wuli wɔlila miran wonu na tuma-wo-tuma, anu si wonu dan. Anu ba ban wɔlila anu na tumɛ min, anu ni anu dan yanni anu ni anu namara.

²⁹Miran toe doinu, donu bi wonu makandanna. Wo kɔma, a dɛgɛ-munku wo, a minni-fen wo, a tulu wo, a isɛnti wo, a kɛnɛ wo, donu bi wonu makandanna.

³⁰Kɔnɔ ka kɛnɛ-subolo-siyamɛ wonu tayabasan a kilɛ fɛ, saraka-masɔlɛ doinuta wɔlɛ le wo la.

³¹Salumula sarɛ min tɔgɛ Matetaya, Kora kebila-mɔgɛ, kɔni, wo le ye biredi-mintan-ko-wɔlɛ kun na Mari ye nun.

³²Anu bi biredi minnu sala tebulu kuma Bato-Bɔn la Sulen-Tele wo Sulen-Tele, Kohati kebila-mɔgɛnu denu bi wonu tabɛnna.

³³Lifayi doinu bi sigi-sa-ko-wɔlɛnu kun na Bato-Bɔn la. Mɔgɛ minnu bi wɔlɛ wo kun na, wonu siginɛ Bato-Bɔn nyɛrɛ le la. Wɔli-gbɛrɛkɛ sa anu bolo fɔ Bato-Bon-ko-wɔlɛ bawo su wo, tele wo, anu ba anu kele tuma-wo-tuma, anu tabɛnnɛ.

³⁴Min bɛɛsi tɔgɛ sɛbɛnɛ kɛ la, Lifayi kebila-kunyɛ le wonu na. Wonu dama siginɛ Yerusalɛm soe burɔ.

³⁵Yeyiyɛli ya Kibiyon soe datɛgɛ ka a sigi nyɔ. Ala musi tɔgɛ le Meyaka.

³⁶Ala sarɛ tɔgɛ le Abadan. Ala den-toenu tɔgɛ le kɛnu na, Suri wo, Kisa wo, Beyali wo, Nɛri wo, Nedabu wo,

³⁷Kɛdɔ wo, Ahiyo wo, Sakaraya wo, anubɛ Mikiloti.

³⁸Mikiloti ya Simɛya sɔrɔn. Anu kegeyɛ donu sigira Yerusalɛm soe burɔ kebilɛ doinu fɛ.

³⁹Nɛri ya Kisa sɔrɔn. Kisa ya Sɔli sɔrɔn. Sɔli wo ya den-kei mɔgɔ nani sɔrɔn, Yonatan wo, Malikisuwa wo, Abinadabu wo, anubɛ Ɛsɛbeyali.

⁴⁰Yonatan wo ya Mɛreba-Beyali[18] sɔrɔn. Mɛreba-Beyali ya Maika sɔrɔn.

⁴¹Maika ya den-kei mɔgɔ nani sɔrɔn, Paitɔn wo, Mɛlɛki wo, Tarɛya wo, anubɛ Ehasi.

⁴²Ehasi wo ya Yara sɔrɔn. Yara ya den-kei mɔgɔ sawa sɔrɔn, Alɛmɛti wo, Asamafɛti wo, anubɛ Simiri. Simiri ya Mosa sɔrɔn.

⁴³Mosa ya Bainɛya sɔrɔn. Bainɛya ya Rɛfaya sɔrɔn. Rɛfaya ya Ɛliyesa sɔrɔn. Ɛliyesa ya Esɛli sɔrɔn.

⁴⁴Esɛli ya den-kei mɔgɔ wɔrɔ sɔrɔn, Asiraikam wo, Bokɛru wo, Sumanyila wo, Siyaraya wo, Hɔbadaya wo, anubɛ Henan.