Read Kuranko Ɛsira 10 Bible Online

Ɛsira 10 - Kuranko bible

Ɛsira 10

¹Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

²Wo kɔma, Yehiyɛlila den Sɛkanaya min bɔra Ilam kebilɛ rɔ, wo ya a fɔ nde, Ɛsira ye ko, “Lanayɛ min bi male Isirɛla mɔgɛnubɛ Alla tɛma, ma ara wo tinya bawo furu-nyɔgɔnyɛ ara don mabɛ sibolo-gbɛrɛnu tɛma. Kɔnɔ hali wo, fɛrɛ ye ma bolo fɔlɔn.

³Ma dama ni lanyiri kiri Alla ye gben ko ma si ma ban musi kɛnubɛ anuna dannu na ka anu gben. Ma si a ma iko ile Ɛsira anubɛ i ta-nyɔgɛ Allata-tɔn-lɔnnɛnu bi a fɔla ma ye nya min. Ma si a ma iko Allata tɔn ye a fɔla ma ye nya min.

⁴A ye wole ma gbɛ! Wo ya ko-wo-ko ma, ma ye wo fɛ, yɔ! Wo ni wo sɛbɛ don ka wo kerinteya.”

⁵Woletɔ a saraka-masɔ-kun-tigi wo, a Lifayi wo, anubɛ Isirɛla mɔgɔ-to wo, nde, Ɛsira ya a ma, anu dama ya anu keli Alla ye ko anu si a ma iko Sɛkanaya ya a fɔ nya min nun.

⁶Nde, Ɛsira ya n bɔ Bato-Bɔn dafɛ nyɔ ka ta ki Ilayasibala den Yɛhohanan barɛ. N ma sɔn fenfen na. Hali yi, n ma a min bawo n yisi kɔrɔtɔnɛ mɔgɔ-birani-kɔrɛ wonu sɔn-yogomɛla ko la.

⁷Anu ya sarakanɛ lata Yerusalɛm anubɛ Yuda nyamanɛ tonke bɛɛ rɔ ko mɔgɔ-birani-kɔrɛ bɛɛsi ni na Yerusalɛm soe burɔ.

⁸Ni min ma na yanni tele sawa kɔrɔ, anu si wo bolo-fan bɛɛ toronde a la iko mɔgɔ-banu bara a latɛgɛ nya min. Wo kɔma, wo tigi ma si gboya.

⁹Yanni tele sawa wo ni ban, san wo karɛ kɔnɔntɛ, a tele mogan ma, kei min bɛɛsi ye Yuda anubɛ Bɛnyamɛ nyamanɛnu tɔ, wonu dama nara bɛn Bato-Bon-kata burɔ. Bandɛ ye nala biribiri! Mɔgɛ wonu tora yɛrɛyɛrɛnna kimɛ bolo, ado anu bi yɛrɛyɛrɛnna fanan ka a tɛgɛ ladɛn wo mankan ma.

¹⁰Saraka-Masɔla Ɛsira ya a sɔ ka a fɔ ko, “Wo ara ma telenbɛlɛnu na Alla yala ka a tɛgɛ wola furu-nyɔgɔnyɛ ma wobɛ sibolo-gbɛrɛnu tɛma. Wo ara a ma, Isirɛla mɔgɛ bɛɛ ara yulumu sɔrɔn.

¹¹Woletɔ wa wo sɔ wola hakɛ la ma benbanuta Mari Alla ye. Wo ni a sakorɔ-koe ma. Wo ni sibolo-gbɛrɛkɛ-musi kɛnu boloka ka fara nyamanita-mɔgɛ kɛnu na feufeu!”

¹²Mɔgɛ bɛɛ ya a lawɔyɔ nya-kun-kelen, anu ko, “I ya fenfen fɔ, ma ye i kɔma.”

¹³Wo kɔma, anu ko, “Nyama siya, ado samɛ le kɛ la. Ma ti to sɔni kata burɔ kɛ nya na bawo ko le kɛ la min ti ban tele filɛ kɛ kɔrɔ, ado ma siyaman bi yulumu kɛ kɔrɔ.

¹⁴Nba, ma si min ma, mala mɔgɔ-banu ni to Yerusalɛm yan tɔ, wonu ni to koe kɛ rabɛnna. Ni sibolo-gbɛrɛkɛ-musi ye min bolo, wonubɛ anuna mɔgɔ-banu anubɛ anuna kiti-tɛgɛlɛnu si ta kun lɔgɔ ma anu si na min ma. Wo ko sufa si a ma, Alla fonde ni kimɛ.”

¹⁵Mɔgɔ-wo-mɔgɔ ma sɔsɔli sa kumɛ wo ma fɔ Asahɛlila den Yonatan anubɛ Tekefala den Yasiyɛli. Mɔgɔ fila fanan ya wonuna kumɛ sɛnbɛ don, Mɛsulam anubɛ Sabɛtayi. Lifayi le wonu na.

¹⁶Mɔgɔ-birani-kɔrɛnu ma anu kunyɛnu masɔsɔ. Woletɔ nde, Ɛsira min bi saraka-masɔlɛnu kun na, n ya kun-tiginu yabɔ ka bɔ kebila-kunyɛnu tɔ. N ya wonu tɔgɛ sɛbɛ. San wo karɛ tan, a tele fɔlɔtɛ ma, anu donta anu nyɔgɔn manyinikala sibolo-gbɛrɛkɛ-musi ye min bolo.

¹⁷Yanni karɛ sawɛ ni ban tumɛ min, sibolo-gbɛrɛkɛ-musi ye minnu bolo, anu bara ban wonu fɛ-gbengbenna.

¹⁸Sibolo-gbɛrɛkɛ-musi ye saraka-masɔlɛ minnu bolo, wonu tɔgɛ le kɛnu na. Yɛhosadakila den Saraka-Masɔla Yɛsuwa wo, anubɛ a na-kelen-nyɔgɔ mɔgɔ nanɛ, Meyaseya anubɛ Ɛliyesa anubɛ Yaribu anubɛ Kɛdalaya.

¹⁹Wonu denu ya lanyiri kiri ko anu si anuna musinu boloka ka saga-yigi ma anu hakɛ-sarakɛ la.

²⁰Ka bɔ Imɛri kebilɛ rɔ, Hanani anubɛ Sebadaya, wonu denu ya sibolo-gbɛrɛkɛ-musinu furu.

²¹Ka bɔ Harim kebilɛ rɔ, Meyaseya wo, Ilaya wo, Sɛmaya wo, Yɛhiyɛli wo, anubɛ Yusaya, wonu denu ya sibolo-gbɛrɛkɛ-musinu furu.

²²Ka bɔ Pasura kebilɛ rɔ, Ɛleyowenayi wo, Meyaseya wo, Sumanyila wo, Natanɛli wo, Yosabadi wo, anubɛ Elesa, wonu denu ya sibolo-gbɛrɛkɛ-musinu furu.

²³Ka bɔ Lifayi bɔnsɔn rɔ, Yosabadi wo, Simayi wo, Kɛlaya (min tɔgɛ fanan Kɛlaita) wo, Pɛtahaya wo, Yuda wo, anubɛ Ɛliyesa, wonu denu ya sibolo-gbɛrɛkɛ-musinu furu.

²⁴Ka bɔ Bato-Bon-sigi-salɛnu tɔ, Ilayasiba ya sibolo-gbɛrɛkɛ-musi furu. Ka bɔ Bato-Bon-makandannɛnu tɔ, Salumu anubɛ Tilɛm anubɛ Yuri, wonu denu ya sibolo-gbɛrɛkɛ-musinu furu.

²⁵Ka bɔ Isirɛla mɔgɛ toenu tɔ, kɛnu denu ya sibolo-gbɛrɛkɛ-musinu furu iko anu kebilɛ ye nya min. Ka bɔ Parɔsi kebilɛ rɔ, Ramaya wo, Yɛsaya wo, Malakiya wo, Mayamin wo, Ɛliyesa wo, Malakiya wo, anubɛ Bɛnaya, wonu denu ya sibolo-gbɛrɛkɛ-musinu furu.

²⁶Ka bɔ Ilam kebilɛ rɔ, Matanaya wo, Sakaraya wo, Yɛhiyɛli wo, Abidi wo, Yɛrɛmoti wo, anubɛ Ilaya, wonu denu ya sibolo-gbɛrɛkɛ-musinu furu.

²⁷Ka bɔ Satu kebilɛ rɔ, Ɛleyowenayi wo, Ilayasiba wo, Matanaya wo, Yɛrɛmoti wo, Sebadi wo, anubɛ Asaisa, wonu denu ya sibolo-gbɛrɛkɛ-musinu furu.

²⁸Ka bɔ Bibeyai kebilɛ rɔ, Yɛhohanan wo, Hananaya wo, Sabeyayi wo, anubɛ Ataleyayi, wonu denu ya sibolo-gbɛrɛkɛ-musinu furu.

²⁹Ka bɔ Bani kebilɛ rɔ, Mɛsulam wo, Maluku wo, Adaya wo, Yasubu wo, Siyali wo, anubɛ Yɛrɛmoti, wonu denu ya sibolo-gbɛrɛkɛ-musinu furu.

³⁰Ka bɔ Pehati-Mohabu kebilɛ rɔ, Adina wo, Kelali wo, Bɛnaya wo, Meyaseya wo, Matanaya wo, Bɛsalɛli wo, Binuwai wo, anubɛ Manasa, wonu denu ya sibolo-gbɛrɛkɛ-musinu furu.

³¹Ka bɔ Harim kebilɛ rɔ, Ɛliyesa wo, Isaya wo, Malakiya wo, Sɛmaya wo, Semiyɔn wo,

³²Bɛnyamɛ wo, Maluku wo, anubɛ Sɛmaraya, wonu denu ya sibolo-gbɛrɛkɛ-musinu furu.

³³Ka bɔ Hasum kebilɛ rɔ, Matinayi wo, Matata wo, Sebadi wo, Ilifɛlɛti wo, Yɛrɛmayi wo, Manasa wo, anubɛ Simayi, wonu denu ya sibolo-gbɛrɛkɛ-musinu furu.

³⁴Ka bɔ Bani kebilɛ rɔ, Meyadeyi wo, Amiram wo, Yuwɛli wo,

³⁵Bɛnaya wo, Bɛdeya wo, Kɛluwi wo,

³⁶Faniya wo, Mɛrɛmoti wo, Ilayasiba wo,

³⁷Matanaya wo, Matinayi wo, anubɛ Yewasu, wonu denu ya sibolo-gbɛrɛkɛ-musinu furu.

³⁸Ka bɔ Binuwai kebilɛ rɔ, Simayi wo,

³⁹Sɛlimaya wo, Netan wo, Adaya wo,

⁴⁰Makinadebayi wo, Sesayi wo, Sareyi wo,

⁴¹Asarɛli wo, Sɛlimaya wo, Sɛmaraya wo,

⁴²Salumu wo, Amaraya wo, anubɛ Yusufu, wonu denu ya sibolo-gbɛrɛkɛ-musinu furu.

⁴³Ka bɔ Nibɔ kebilɛ rɔ, Yeyiyɛli wo, Matetaya wo, Sabadi wo, Sebaina wo, Yedawu wo, Yowɛli wo, anubɛ Bɛnaya, wonu denu ya sibolo-gbɛrɛkɛ-musinu furu.

⁴⁴Kɛ damasi ya sibolo-gbɛrɛkɛ-musinu furu le, ado donu bara dannu sɔrɔn nun.