Read Kuranko Nihɛmaya 10 Bible Online

Nihɛmaya 10 - Kuranko bible

Nihɛmaya 10

¹Mɔgɔ fɔlɔtɛ min ya a bole sa mana kɛ rɔ, wo le mala kun-tigi Nihɛmaya la, Hakalayala dan, kɔni. Wo kɔma, Sɛdɛkaya ya a bole sa mana rɔ.

²Kɛ kɔma, a mɔgɔ kurun fɔlɔtɛ min ya anu bole sa mana rɔ saraka-masɔlɛnu tɔ, wonu tɔgɛ le kɛnu na. Sɛraya wo, Asaraya wo, Yɛrɛmaya wo, Pasura wo, Amaraya wo, Malakiya wo, Hatusi wo, Sɛbanaya wo, Maluku wo, Harim wo, Mɛrɛmoti wo, Hɔbadaya wo, Daniyɛli wo, Kenɛtɔn wo, Baruki wo, Mɛsulam wo, Abaya wo, Mayamin wo, Meyaseya wo, Beligeyayi wo, anubɛ Sɛmaya.

⁹A kurun fila nyɔgɛ min ya anu bole sa mana rɔ Lifayinu tɔ, wonu tɔgɛ le kɛnu na. Asanayala den Yɛsuwa wo, Binuwai ka bɔ Hɛnadadi kebilɛ rɔ wo, Kadamiyɛli wo,

¹⁰Sɛbanaya wo, Hodaya wo, Kɛlaita wo, Pɛlaya wo, Henan wo,

¹¹Maika wo, Rihobu wo, Hasabaya wo,

¹²Sakara wo, Sɛrɛbaya wo, Sɛbanaya wo,

¹³Hodaya wo, Bani wo, anubɛ Bɛnainu.

¹⁴A kurun sawa nyɔgɛ min ya anu bole sa mana rɔ mɔgɔ-banu tɔ, wonu tɔgɛ le kɛnu na. Parɔsi wo, Pehati-Mohabu wo, Ilam wo, Satu wo, Bani wo,

¹⁵Buni wo, Asigadi wo, Bibeyai wo,

¹⁶Adonaya wo, Begifeyai wo, Eden wo,

¹⁷Etɛri wo, Hɛsakaya wo, Esuri wo,

¹⁸Hodaya wo, Hasum wo, Beseyai wo,

¹⁹Harifi wo, Anatɔti wo, Nibeyayi wo,

²⁰Magapiyasi wo, Mɛsulam wo, Hesiri wo,

²¹Mɛsɛsabɛli wo, Sedoki wo, Yaduwa wo,

²²Pɛlataya wo, Henan wo, Anaya wo,

²³Hoseya wo, Hananaya wo, Hasubu wo,

²⁴Halohɛsi wo, Pailɛha wo, Sobɛki wo,

²⁵Rihum wo, Hasabana wo, Meyaseya wo,

²⁶Ahaya wo, Henan wo, Anan wo,

²⁷Maluku wo, Harim wo, anubɛ Beyana.

²⁸Male Isirɛla mɔgɛ bɛɛ ara sɔn ko-dande ma. A saraka-masɔla wo, a Lifayi wo, a Bato-Bon-makandanna wo, a Bato-Bon-sigi-sala wo, a Bato-Bonna-wɔlila wo, a mɔgɛ toenu wo, ma dama ara Allala tɔn bira ka a tɛgɛ ma basan-koe la sibolo-gbɛrɛnu na. Ma ara ma fara anu na. Male keinu wo, anubɛ mala musinu, anubɛ mala dannu min bara anu hɛnkili sɔrɔn, ma damasi ara kun kan kelen ma

²⁹ka ma keli. Mabɛ mala mɔgɔ-banu, ma ko Alla ya tɔn minnu di ata wɔli-kɛla Nɛbi Musa ma, ma si wo bɛɛ bira, ado ni min ya kɛ do tinya, wo tigi ye dankɛ kɔrɔ. Mata Mari ara kumɛ min bɛɛsi fɔ ma ye, ma si wo bɛɛ bira ka a latɔnbagaya. Ko-dande wo le kɛnu na.

³⁰ Furu-nyɔgɔnya ti don mabɛ sibolo-gbɛrɛnu tɛma tun.

³¹ Ka tenbi wo la, ni anu nara fui-fan la, ni wo ma, fen-gbɛrɛkɛ a mayira-koe la Sulen-Tele ma anubɛ tele-sɛnimɛ do ma, ma ti sɔn anu sanna mumɛ! San-wɔrɔ wo san-wɔrɔ, a wɔrɔnfila nyɔgɛ ma, ma si a ma, mala wɔli-kɛ-tinɛnu ni anu sulen. San wo nyɛrɛ la fanan, tɔn si sigi yili-makele-koe la ma nyɔgɔn tɛma.

³² San-bo-san, ma si na wodi-gbɛ-gbuni kelen na. Wo si don Bato-Bon-ko-wɔlɛ rɔ.

³³Wo kɔma, ma si to nala biredi-dantɛgɛnɛ la anubɛ tele-wo-tele fui-fen-sarakɛnu anubɛ tele-wo-tele kolo-fen-saraka-mintantɛnu. Wo kɔma, ma si to nala Sulen-Tele-sarakɛnu na anubɛ Karɛ-Kura-Ladiyɛ-sarakɛnu anubɛ ladiya-saraka-toenu. Wo kɔma, ma si na saraka-dantɛgɛni-toenu na katarala ma hakɛ-yamatogon-sarakɛnu. Min sanɛ wo kuma, Bato-Bon-makoe taranta fenfen na, ma si na wonu na.

³⁴Male Isirɛla mɔgɛ bɛɛsi, a mara a saraka-masɔla la wo, a mara a Lifayi la wo, a mara a Isirɛla mɔgɔ-to la wo, san-bo-san, ma si korɔn lakɛ ka a lɔn kebilɛ min si sɔgɛ nyini mata Mari Alla ye. Ma si mala sarakɛnu mintan-sɔgɛ wo la iko tɔn ya a fɔ nya min.

³⁵ San-bo-san, ma si to nala mala dɔn-fen-kun-fɔlɛnu na Bato-Bɔn la.

³⁶ Min ba den-kei fɔlɛ sɔrɔn, wo si ta a la saraka-masɔlɛ wara Bato-Bɔn la min si a dantɛgɛ Alla ma iko a sɛbɛnɛ tɔn-buku rɔ nya min. Hali mala ninkinu anubɛ baanu anubɛ sagɛnu, ma si na wonu den-fɔlɔta-keimɛnu na Bato-Bɔn la ka wonu dantɛgɛ mata Alla ma.

³⁷ Ma si na mala dɔn-fen kun-fɔlɛ dɛgɛ-munkenu na saraka-masɔlɛnu bara. Wo kɔma, ma si ta minni-fen-sarakɛnu anubɛ tuli anubɛ kɔn-gbɔ-su bɛɛ la saraka-masɔlɛnu bara. Ma si mala yakanu bi mala togodɛnu na ka ta anu to Lifayinu ma minnu si yaka makele mala sɛnɛnu tɔ.

³⁸ Lifayinu tenbi yaka wonu kundɛnna, Aruna matiyi minnu bi saraka-masɔ-wɔlɛ kɛla, wonu bi anu tɛma. Lifayinu bi yaka min bɛɛsi kundɛnna, anu si yaka wo fanan yaka lamara Bato-Bon-fen-namara-tinɛ rɔ.

³⁹A fui-fen wo, a minni-fen wo, a tuli wo, Isirɛla mɔgɛnu anubɛ Lifayinu si wonu namara Bato-Bon-konko do la Bato-Bon-mirannu maranɛ kan min. Bato-Bon-makandannɛnu anubɛ saraka-masɔlɛnu bi wɔlila nyɔ le, ado Bato-Bon-sigi-salɛnu si ki nyɔ le fanan. Ma ti nyina mata Alla Bato-Bɔn ko mumɛ!