Read Kuranko Nihɛmaya 7 Bible Online

Nihɛmaya 7 - Kuranko bible

Nihɛmaya 7

¹Kɛ wati ya a taran, ma ara ban tarɛ ladanna ka a dɛnu sigi tala. Bato-Bon-makandannɛnu wo, a sigi-salɛnu wo, a Lifayi-toenu wo, wo bɛɛ ye ata wɔlɛ kun na.

²N na-kelen-nyɔgɛ Hanani wo, anubɛ Kɛlɛ-Den-Kunya Hananaya min bi kan-tina-latankanɛ kuma, nde le wara wonu to Yerusalɛm soe kun na gbɛ! Hananaya kɛ, lanaya-mɔgɛ le, ado a si Alla gbiliya ka tenbi mɔgɛ bɛɛ la.

³N ya a fɔ mɔgɔ filɛ kɛnu ye ko anu kana Yerusalɛm tarɛ don-dɛnu naka fɔ sun-tele wa kɔgɔ. Yanni da-makandannɛnu ni anu boloka tele-kolo-wulan, anu ni don-dɛnu tasɔgɔ. Wo kɔma, n ya a fɔ anu ye fanan ko anu ni kɛlɛ-dannu yabɔ Yerusalɛm kɛnu tɔ. N ya kandanni-kɛlɛ wonu sɔ-tinɛnu yira anu na. Donu si to sɔni kan-tina-kelen. Donu si to tagamana anuna bɔnnu dafɛ.

⁴Yerusalɛm soe kolo kɔnɔ mɔgɛnu ma siya a rɔ, ado ma ma bon-siyaman sɔ wɛ.

⁵Nta Alla le ya a sa n yisi rɔ ko a kun-tigi wo, a mɔgɔ-ba wo, anubɛ a mɔgɛ toenu wo, ko n ni anu nadɛn ka anu tɔgɛ sɛbɛ iko anuna kebilɛ ye nya min. Mɔgɔ-birani-kɔrɛ minnu fɔlɔn nara, n ya wonu bakurinu sɛbɛnɛ yen. N ya min sɛbɛnɛ yen a rɔ, wo le kɛ la.

⁶Kebi Mansa Nɛbukanasa tara mɔgɛ kɛnu na Babilɔn soe burɔ, anu tora biralɛ wo le tɔ ha Mansa Sairasita wati rɔ. Anu mɔgɔ-siyaman nara to sɛgila Yerusalɛm soe burɔ anubɛ Yuda nyamanɛ rɔ. Bɛɛ tara a halala-soe rɔ.

⁷Minnu sɛgira, wonuna kun-tiginu tɔgɛ le kɛnu na, Sarababulu wo, Yasowa wo, Nihɛmaya wo, Asaraya wo, Reyamaya wo, Nehamɛnayi wo, Mɔdekɛyai wo, Belesan wo, Misipɛrɛti wo, Begifeyai wo, Rihum[5] wo, anubɛ Beyana.

⁸Parɔsi anubɛ a kebilɛ minnu sɛgira, wonu yatɛ bɛnta mɔgɔ waga fila, mɔgɔ kɛmɛ kelen, mɔgɔ bi-wɔrɔnfila ani mɔgɔ fila (2,172) ma.

⁹Sɛfataya anubɛ a kebilɛ minnu sɛgira, wonu yatɛ bɛnta mɔgɔ kɛmɛ sawa, mɔgɔ bi-wɔrɔnfila ani mɔgɔ fila (372) ma.

¹⁰Ara anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-loli ani mɔgɔ fila (652) ma.

¹¹Pehati-Mohabu anubɛ a kebilɛ minnu sɛgira, wonu yatɛ bɛnta mɔgɔ waga fila, mɔgɔ kɛmɛ segin, ani mɔgɔ tan-ni-segin (2,818) ma. Pehati-Mohabu kɛ, Yɛsuwa anubɛ Yohabu kebila-mɔgɔ do le ale la.

¹²Ilam anubɛ a kebilɛ minnu sɛgira, wonu yatɛ bɛnta mɔgɔ waga kelen, mɔgɔ kɛmɛ fila, mɔgɔ bi-loli ani mɔgɔ nani (1,254) ma.

¹³Satu anubɛ a kebilɛ minnu sɛgira, wonu yatɛ bɛnta mɔgɔ kɛmɛ segin, mɔgɔ bi-nani ani mɔgɔ loli (845) ma.

¹⁴Sakeyayi anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔnfila ani mɔgɔ bi-wɔrɔ (760) ma.

¹⁵Binuwai anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-nani ani mɔgɔ segin (648) ma.

¹⁶Bibeyai anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ mogan-ni-segin (628) ma.

¹⁷Asigadi anubɛ a kebilɛ minnu sɛgira, wonu yatɛ bɛnta mɔgɔ waga fila, mɔgɔ kɛmɛ sawa, mɔgɔ mogan-ni-fila (2,322) ma.

¹⁸Adonaikam anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-wɔrɔ ani mɔgɔ wɔrɔnfila (667) ma.

¹⁹Begifeyai anubɛ a kebilɛ minnu sɛgira, wonu yatɛ bɛnta mɔgɔ waga fila, mɔgɔ bi-wɔrɔ ani mɔgɔ wɔrɔnfila (2,067) ma.

²⁰Eden anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-loli ani mɔgɔ loli (655) ma.

²¹Etɛri min tɔgɛ fanan Hɛsakaya, wonubɛ a kebilɛ minnu sɛgira, wonu yatɛ bɛnta mɔgɔ bi-kɔnɔntɔ ani mɔgɔ segin (98) ma.

²²Hasum anubɛ a kebilɛ minnu sɛgira, wonu yatɛ bɛnta mɔgɔ kɛmɛ sawa, ani mɔgɔ mogan-ni-segin (328) ma.

²³Beseyai anubɛ a kebilɛ minnu sɛgira, wonu yatɛ bɛnta mɔgɔ kɛmɛ sawa ani mɔgɔ mogan-ni-nani (324) ma.

²⁴Harifi anubɛ a kebilɛ minnu sɛgira, wonu yatɛ bɛnta mɔgɔ kɛmɛ ani mɔgɔ tan-ni-fila (112) ma.

²⁵Kebari anubɛ a kebilɛ minnu sɛgira, wonu yatɛ bɛnta mɔgɔ bi-kɔnɔntɔ ani mɔgɔ loli (95) ma.

²⁶Mɔgɔ kɛmɛ ani mɔgɔ bi-segin ani segin (188), wonu denu sɛgira anu benbaya soenu Bɛtalehɛm anubɛ Nɛtofa burɔ.

²⁷Kɛnu bɔnɛ a la, mɔgɔ kɛmɛ ani mɔgɔ mogan-ni-segin (128), wonu denu sɛgira anu benba soe Anatɔti burɔ.

²⁸Mɔgɔ bi-nani ani mɔgɔ fila (42), wonu denu sɛgira anu benba soe Bɛti-Asamafɛti burɔ.

²⁹Mɔgɔ kɛmɛ wɔrɔnfila, mɔgɔ bi-nani ani mɔgɔ sawa (743), wonu denu sɛgira anu benbaya soenu burɔ, Yirɔm anubɛ Kɛfira anubɛ Bɛroti.

³⁰Mɔgɔ kɛmɛ wɔrɔ, mɔgɔ mogan-ni-kelen (621), wonu denu sɛgira anu benbaya soenu burɔ, Rema anubɛ Kiba.

³¹Mɔgɔ kɛmɛ ani mɔgɔ mogan-ni-fila (122), wonu denu sɛgira anu benba soe Mikimasi burɔ.

³²Mɔgɔ kɛmɛ ani mɔgɔ mogan-ni-sawa (123), wonu denu sɛgira anu benbaya soenu burɔ, Bɛtɛli anubɛ Eyai.

³³Mɔgɔ bi-loli ani mɔgɔ fila (52), wonu denu sɛgira anu benba soe Nibɔ doi burɔ.

³⁴Ilam doi anubɛ a kebilɛ minnu sɛgira, wonu yatɛ bɛnta mɔgɔ waga kelen, mɔgɔ kɛmɛ fila, mɔgɔ bi-loli ani mɔgɔ nani (1,254) ma.

³⁵Mɔgɔ kɛmɛ sawa, mɔgɔ mogan (320), wonu denu sɛgira anu benba soe Harim burɔ.

³⁶Mɔgɔ kɛmɛ sawa ani mɔgɔ bi-nani ani mɔgɔ loli (345), wonu denu sɛgira anu benba soe Yɛrikɔ burɔ.

³⁷Mɔgɔ kɛmɛ wɔrɔnfila ani mɔgɔ mogan-ni-kelen (725), wonu denu sɛgira anu benbaya soenu burɔ, Lodi anubɛ Hededi anubɛ Ono.

³⁸Mɔgɔ waga sawa, mɔgɔ kɛmɛ kɔnɔntɔ, ani mɔgɔ bi-sawa (3,930), wonu denu sɛgira anu benbaya soe Sɛnaya burɔ.

³⁹Saraka-Masɔla Yɛdaya min bɔra Yɛsuwa bɔnsɔn rɔ, wonubɛ a kebilɛ minnu sɛgira, wonu yatɛ bɛnta mɔgɔ kɛmɛ kɔnɔntɔ, mɔgɔ bi-wɔrɔnfila ani mɔgɔ sawa (973) ma.

⁴⁰Saraka-Masɔla Imɛri anubɛ a kebilɛ minnu sɛgira, wonu yatɛ bɛnta mɔgɔ waga kelen, mɔgɔ bi-loli ani mɔgɔ fila (1,052) ma.

⁴¹Saraka-Masɔla Pasura anubɛ a kebilɛ minnu sɛgira, wonu yatɛ bɛnta mɔgɔ waga kelen, mɔgɔ kɛmɛ fila, mɔgɔ bi-nani, ani mɔgɔ wɔrɔnfila (1,247) ma.

⁴²Saraka-Masɔla Harim anubɛ a kebilɛ minnu sɛgira, wonu yatɛ bɛnta mɔgɔ waga kelen, mɔgɔ tan-ni-wɔrɔnfila (1,017) ma.

⁴³Yɛsuwa anubɛ Kadamiyɛli minnu bɔra Lifayi bɔnsɔn rɔ, wonu benba tɔgɛ le Hodafaya. Yɛsuwa anubɛ Kadamiyɛli, wonubɛ anu kebilɛ minnu sɛgira, wonu yatɛ bɛnta mɔgɔ bi-wɔrɔnfila ani mɔgɔ nani (74) ma.

⁴⁴Bato-Bon-sigi-salɛ minnu sɛgira, wonu yatɛ bɛnta mɔgɔ kɛmɛ ani mɔgɔ bi-nani ani mɔgɔ segin (148) ma. Anu benba tɔgɛ le Esafi.

⁴⁵Bato-Bon-makandannɛ minnu sɛgira, wonu yatɛ bɛnta mɔgɔ kɛmɛ, mɔgɔ bi-sawa, ani mɔgɔ segin (138) ma. Bato-Bon-makandannɛ wonu benbanu tɔgɛ le kɛnu na, Salumu wo, Etɛri wo, Talamɔn wo, Akubu wo, Hatita wo, anubɛ Sobayi.

⁴⁶Bato-Bonna-wɔli-kɛlɛ-kebilɛ minnu sɛgira, wonuna kebila-kunyɛnu tɔgɛ le kɛnu na, Saiha wo, Hasufa wo, Tabeyati wo

⁴⁷Kirɔsi wo, Sayaha[6] wo, Pedɔn wo,

⁴⁸Lɛbena wo, Hagaba wo, Salamayi wo,

⁴⁹Henan wo, Kedɛli wo, Kehari wo,

⁵⁰Riyaya wo, Risen wo, Nɛkoda wo,

⁵¹Kasam wo, Ɔsa wo, Pasiya wo,

⁵²Bisayi wo, Mɛhunim wo, Nɛfusim wo,

⁵³Bakibuki wo, Hakufa wo, Harihuri wo,

⁵⁴Basiluti wo, Mɛhaida wo, Harasa wo,

⁵⁵Barakɔsi wo, Sisara wo, Tema wo,

⁵⁶Nɛsaya wo, anubɛ Hataifa.

⁵⁷Mansa Silamɛnina wɔli-kɛlɛ-kebilɛ minnu sɛgira, kebila-kunyɛ wonu tɔgɛ le kɛnu na, Soteyai wo, Sofɛrɛti wo, Pɛrida wo,

⁵⁸Yeyala wo, Darakɔn wo, Kedɛli wo,

⁵⁹Sɛfataya wo, Hateli wo, Pokɛrɛti-Hasɛbeyem wo, anubɛ Amɔn.

⁶⁰Bato-Bonna-wɔli-kɛlɛnu-kebilɛ anubɛ Mansa Silamɛnina wɔli-kɛlɛ-kebilɛ minnu sɛgira, wonu yatɛ bɛnta mɔgɔ kɛmɛ sawa, mɔgɔ bi-kɔnɔntɔ, ani mɔgɔ fila (392) ma.

⁶¹Dalaya kebilɛ wo, Tobaya kebilɛ wo, anubɛ Nɛkoda kebilɛ wo, wonu bɔra Tɛli-Mela soe anubɛ Tɛli-Harasa soe anubɛ Kɛrubu soe anubɛ Adan soe anubɛ Imɛri soe burɔ Pasiya nyamanɛ rɔ. Wonu kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-nani, ani mɔgɔ fila (642) ma. Kebilɛ kɛnu denu bɔnsɔn wara-ko-nya ma gbɛ ka a fɔ ko Yahudiya le anu na.

⁶²

⁶³N ma saraka-masɔlɛ minnu bakuri lɔn, wo le Hobaya kebilɛ wo, Hakɔsi kebilɛ wo, anubɛ Basilayi kebilɛ. (Basilayi kɛ ya musi do furu Basilayi kebilɛ rɔ min bɔra Kaliyadi. A ya ala musi wo kebila-tɔgɛ bi ko Basilayi. Wo le tɔgɔma bi saraka-masɔlɛ kɛ la.) Anu ma ke anu bakuri lɔnna min kɛ, anu ma sɔn mɔgɔ sawɛ kɛnu ni saraka-masɔ-wɔli kɛ.

⁶⁴

⁶⁵ Yahudiyanuna kun-tigi ma sɔn anu ni saraka-masɔ-niyi dɔn. Anu ti a sɔrɔn fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. Fen filɛ wonu tɔgɛ Yurim anubɛ Tumin.

⁶⁶Mɔgɔ-biranɛ mumɛ min bɛɛsi sɛgira, wonu yatɛ bɛnta mɔgɔ waga bi-nani, mɔgɔ waga fila, mɔgɔ kɛmɛ sawa ani mɔgɔ bi-wɔrɔ (42,360) ma.

⁶⁷Anuna wɔli-kɛlɛ-kei anubɛ musinu, wonu yatɛ bɛnta mɔgɔ waga wɔrɔnfila, mɔgɔ kɛmɛ sawa, mɔgɔ bi-sawa ani mɔgɔ wɔrɔnfila (7,337) ma. Sigi-salɛ minnu bilara anu fɛ, wonu yatɛ bɛnta mɔgɔ kɛmɛ fila mɔgɔ bi-nani ani mɔgɔ loli (245) ma, kei wo, musu wo.

⁶⁸Anu tara soee minnu na anu bolo, wonu yatɛ bɛnta kɛmɛ wɔrɔnfila, bi-sawa ani wɔrɔ (736) ma. So-musi anubɛ sofɛli-kei ya dan minnu sɔrɔn, anu tara minnu na anu fɛ, wonu yatɛ bɛnta kɛmɛ fila, bi-nani ani loli (245) ma.

⁶⁹Anu tara nyomɛ minnu na anu bolo, wonu yatɛ bɛnta kɛmɛ nani, bi-sawa ani loli (435) ma. Anu tara sofɛlɛ minnu na, wonu yatɛ bɛnta waga wɔrɔ, kɛmɛ wɔrɔnfila ani mogan (6,720) ma.

⁷⁰Mɔgɛnu ya fen-koloma-siyaman bɔ anu hɛnikɛ la alako ma ni ke Bato-Bɔn sɔla tun. Yerusalɛm kun-tigi ya min bɔ, wo le, sɛnɛ minna gbiliyɛ anubɛ yi-kalɔn kelen anubɛ a talɛ rakɛn. Wo kɔma, a ya ku-musu bi-loli labɔ anubɛ saraka-masɔ-duruku kɛmɛ loli ani duruku bi-sawa.

⁷¹Kebila-kunyɛ donu ya min bɔ wɔlɛ wola ko la, wo le, sɛnɛ minna gbiliyɛ anubɛ yi-kalɔn mogan-ni-segin rakɛn. Anu ya wodi-gbɛ min bɔ, wola gbiliyɛ anubɛ yi-durɔmu loli ani a talɛ rakɛn.

⁷²Mɔgɔ-toenu ya min bɔ, wo le, sɛnɛ minna gbiliyɛ anubɛ yi kalɔn mogan-ni-segin rakɛn. Anu ya wodi-gbɛ min nyɔgɔn bɔ, wola gbiliyɛ gbɛrɛnta yi-durɔmu loli ma. Wo kɔma, anu ya saraka-masɔ-duruku bi-wɔrɔ ani wɔrɔnfila bɔ.

⁷³ A saraka-masɔla wo, a Lifayi wo, a Bato Bon makandanna wo, a sigi-sala wo, a Bato-Bonna-wɔlila wo, a mɔgɔ-gbɛrɛ wo, a Isirɛla mɔgɛ toenu wo, a bɛɛ tara ata so rɔ Yuda nyamanɛ rɔ.