Read Kuranko Bɔ-Koe-Iyipiti 1 Bible Online

Bɔ-Koe-Iyipiti 1 - Kuranko bible

Bɔ-Koe-Iyipiti 1

¹ Yakoba min tɔgɛ fanan Isirɛla, wola dannu tara a fɛ Iyipiti nyamanɛ rɔ anubɛ anuna denbayɛnu. Ala den-kei wonu tɔgɛ le kɛnu na,

²Rubɛn wo, Simiyɔn wo, Lifayi wo, Yuda wo,

³Isakari wo, Sɛbulɔn wo, Bɛnyamɛ wo,

⁴Dan wo, Nafatali wo, Kadi wo, anubɛ Asɛra.

⁵Yakoba bɔnsɔn-mɔgɛnu nakofunɛ bɛnta mɔgɔ bi-wɔrɔnfila (70) ma. Kɔnɔ anu ya anu na-kelen-nyɔgɛ Yusufu taran Iyipiti.

⁶ Isirɛla mɔgɛnu tora siyayala ka wara bɛrɛkɛ ka sɛnbɛ sɔrɔn. Anu ya nyamanɛ wo lafa. Kɔnɔ Yusufu anubɛ a na-kelen-nyɔgɛnu anubɛ minnu bi nyɔ wo wati rɔ, wonu kɔrɔyara ha anu dama fagara.

⁸ Nba, mansa-kurɛ min sigira Iyipiti nyamanɛ rɔ, wo ma Yusufu lɔn nun.

⁹Mansɛ wo ya a fɔ ala mɔgɛnu ye ko, “Isirɛla mɔgɛ kɛnu bara siyaya ma ko, ado anu sɛnbɛ kolo matɛ ko.

¹⁰ Ma ni hɛnkili nyini mɔgɛ kɛnu bara-koe ma alako yarɔ, anu kana siyaya ka fanka sɔrɔn ma kuma ka sa ma yogenu kuma ma kɛlɛ tinɛ.”

¹¹Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ[1] wo ye, Pitɔm soe anubɛ Ramɛsisi soe ka wonu ma ata fen-namara-soenu na.

¹²Kɔnɔ anu tara Isirɛla mɔgɛnuna tɔrɔyɛ makofula nya min, Isirɛla mɔgɛnu tora siyayala wo nya na le. Anu warata ha Isirɛla mɔgɛnuna mɔninyɛ ya Iyipiti kɛnu bira.

¹³Iyipiti kɛnu ya Isirɛla mɔgɛnu nawɔli fɔrɔsɛ la ha ka anu niyi ragbɛrɛn anu ma.

¹⁴Anu ya wɔlɛ lagbɛlɛya anu kuma ka anu tɔrɔ ha ka anu niyi-sɔgɛ labɔ anu na. Anu ya anu sɔ bɔnku-laboro-ko-wɔlɛ la, anubɛ bulɔku-gbesi-ko-wɔlɛ, anubɛ bintɔ-wɔlɛ sufa bɛɛ. Anu ya anu sɔ wɔlɛ minnu na, anu ma kinikini anu ma wɔlɛ wonu kɛ tinɛ.

¹⁵Tinkɔrɔ-sigilɛ minnu bi anu ta-nyɔgɛ Hiburu musinu kun na, wo kelan tɔgɛ le Sifira, doi tɔgɛ le Puwa. Iyipiti mansɛ ya a fɔ wonu ye ko,

¹⁶“Wo wa ta Hiburu musinu dɛnbɛ tinɛ den sɔrɔn tinɛ, ni min ya a keimɛ sɔrɔn, wo si dan wo faga kɔnɔ ni min ya a musumɛ sɔrɔn, wo kana wo faga de!”

¹⁷Kɔnɔ tinkɔrɔ-sigilɛ wonu kilanta Alla la. Anu ma a ma iko Iyipiti mansɛ ya a fɔ anu ye nya min. Anu ya anuna den-keinu nakisi.

¹⁸Iyipiti mansɛ ya tinkɔrɔ-sigilɛ wonu kele ka anu manyinika ko, “Nfenna wo ara Hiburu mɔgɛnuna den-keinu kɛndɛ to?”

¹⁹Tinkɔrɔ-sigilɛ wonu ya a fɔ mansɛ ye ko, “Hiburu musinu tagbɛlɛ. Anu sa iko Iyipiti musinu. Anu nakala muila. Yanni male tinkɔrɔ-sigilɛ ni don min kuma, wo ara ban dan sɔrɔnna.”

²⁰Tinkɔrɔ-sigilɛ wonu kilanta Alla la min kɛ, a duwara anu ye ka dannu di anu fanan ma. Isirɛla mɔgɛnu siyayara ka sɛnbɛ sɔrɔn bɛrɛkɛ!

²² A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”