Read Kuranko Bɔ-Koe-Iyipiti 4 Bible Online

Bɔ-Koe-Iyipiti 4 - Kuranko bible

Bɔ-Koe-Iyipiti 4

¹Musa ya a fɔ Mari ye ko, “Anu ti la n na de! Anu ti n kuman-kan bira. Anu si a fɔ ko ile ma kuma n ye ta-mɛlan rɔ hali ka i nyɛrɛ yira n na.”

²Mari ya a fɔ a ye ko, “Nfen bi i bolo wo la?” A ko, “Nna sewuri le.”

³Mari ko, “A lafili dugi ma.” A ya a lafili dugi ma tumɛ min, wo mara duguma-fan la. Musa ya a masɛgi a la.

⁴Mari ya a fɔ Musa ye tun ko, “Duguma-fan wo bira a kɔɛ ma.” A ya a bira. A mara sewuri la a bolo tɔ tun.

⁵Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

⁶Mari ya a fɔ a ye tun ko, “I bole ladon ila duruki kɔrɔ.” A ya a bole ladon ala duruki kɔrɔ. A ya a labɔ tumɛ min, a bole wo gbɛra fɛrɛma-kiraya-yogomɛ bolo iko bɛgi-gbɛ.

⁷Alla ko, “I bole ladon ila duruki kɔrɔ tun.” A ya a bole ladon tun. A ya a labɔ tumɛ min, a bole mara iko a ye nya min nun.

⁸Alla ko, “Ni i na-kelen-nyɔgɛnu ma la tamasere fɔlɔtɛ la i bolo, anu si la tamasere doi kɛ la i bolo.

⁹Ni anu ma la tamasere fila nyɔgɛ kɛ la ka ila kumɛ to a gbɛ rɔ, i ni yi do bi Nayɛli bɛ rɔ ka a labɔn dugi ma. Yi wo si yɛlɛma yele la dugi ma.”

¹⁰Musa ya a fɔ Mari ye ko, “Mari, n da ra ma di kebi fɔlɔ, ado nfan, kebi i bilara kumala n ye, ha bi, n ma kusanya kumala fɔlɔn. N da la ma tiri kuma tinɛ. Sikɛ ye n tɔ kuma tinɛ.”

¹¹Mari ya a fɔ a ye ko, “Yon ya mɔgɔ dɛ ladan? Yon si mɔgɔ ma bobe la? Yon ya mɔgɔ tole ladan ko a ni ko lamɔɛn? Yon si mɔgɔ tole gbere? Yon ya mɔgɔ yɛ ladan ko a ni fen yen anubɛ ka a lafiyonya? Nde, Mari le si wonu ma.

¹²Woletɔ, ta fasai, n si i labila. A bɛnta, i ni min fɔ, n si i karan wo la.”

¹³Musa ko, “E, Mari, n bi i madiyala ko i ni mɔgɔ-gbɛrɛ lata.”

¹⁴Mari fonde magboyara Musa ma. A ko, “I kɔrɔ-kei Aruna sa nyɔ, wa, Lifayi bɔnsɔn-mɔgɛ, kɔni? N ya a lɔn ko ale si ke kumala a kin na! Min sanɛ wo kuma, a ye nala kilɛ la kaka i labɛn tinɛ. A wa i yen tumɛ min, a yisi si sewa a burɔ.

¹⁵N ba kumɛ min fɔ ile ye, i si wo fɔ ale Aruna ye. A si ma ile dɛ la kuma tinɛ. N si wo mɔgɔ filɛ dɛnbɛ kuma tinɛ. A bɛnta, wo ni minnu ma, n si wo karan wonu na.

¹⁶A si ma ila kuma-lakelɛ la mɔgɛ wonu ma. A si ma i dɛ la. Ile si to nde, Alla gbɛ rɔ. N ba min fɔ ile Musa ye, i si wo latenbi Aruna ma.

¹⁷I ni ta ila sewuri kɛ la i bolo, i si ko-makawanɛnu nadan min na, kɔni.”

¹⁸Wo tumɛ Musa ye a biran-kei warɛ Midiyan nyamanɛ rɔ, Mari ya a fɔ a ye ko, “I ni sɛgi Iyipiti nyamanɛ rɔ bawo minnu bi i faga-koe rɔ, wonu bara faga.” Musa tara a fɔ a biran-kei, Yɛtiro ye ko, “Sɛgi-sɔgɛ ye n na ka a lɔn ni n na-kelen-nyɔgɛnu bi nya min, tumado do ye nyɔ min kɛndɛ Iyipiti nyamanɛ rɔ.” Yɛtiro ya a fɔ Musa ye ko, “Awa ta, yo! Alamɛ Alla ya i kandan.”

²⁰Musa ya ala musi anubɛ ala den-keinu bi ka anu sigi sofɛlɛ la ka Iyipiti nyamanita-kilɛ bira. A tara ala sewuri wo la a bolo Alla ya a fɔ min ma ko a ni ta a la.

²¹Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

²²I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

²³ Ale mansɛ ni anu boloka alako anu ni n bato kɔnɔ a wa a ban anu boloka-koe ma tumɛ min, n si ala den-kei fɔlɔtɛ faga.”

²⁴Wo tumɛ Musa sɛgimatoe Iyipiti, anu kira kilɛ la kan min, Mari ye ale Musa faga-koe[6] rɔ nyɔ nun.

²⁵Kɔnɔ ala musi Sipora ya kuru-kundi-lasulennɛ bi ka ala den-kei lakemininya ka a kundi wo sa ala keila kurusi ya le kɔrɔ. A ko, “Ka a tɛgɛ kemininyɛ kɛ yele ma, nna kei ara sɛgi n ma tun nna danla kemininyɛ fɛ.”

²⁶Wo le ya a to, Mari ya Musa niyi lasɛgi a ma.

²⁷Mari ya a fɔ Aruna ye ko, “Ta Musa labɛn wulɛ rɔ.” A tara ka a labɛn Sinayi kɔnkɛ la. Anu ya anu nyɔgɔn kɔndɔn.

²⁸Mari ya kumɛ min bɛɛ fɔ Musa ye, anubɛ a ya a sɔ kabana-koe minnu bara-koe la, a ya wo dama fɔ Aruna ye.

²⁹Musa anubɛ Aruna tara ka Isirɛla mɔgɔ-ba bɛɛ ladɛn kan-tina-kelen.

³⁰Mari ya kumɛ min bɛɛsi fɔ Musa ye, Aruna ya wonu nake ka kabana-koe wonu ma Isirɛla mɔgɛ bɛɛ yala.

³¹Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.