Read Kuranko Bɔ-Koe-Iyipiti 7 Bible Online

Bɔ-Koe-Iyipiti 7 - Kuranko bible

Bɔ-Koe-Iyipiti 7

¹Mari ya a fɔ Musa ye ko, “N si ile ma mansɛ wo yala iko nde, Alla. I kɔrɔ-kei si ma ita nɛbi la.

²N ba min fɔ i ye, i si wo fɔ Aruna ye. Wo si i kuman-kan latenbi mansɛ wo ma alako a ni Isirɛla mɔgɛnu nabɔ ata nyamanɛ rɔ.

³ N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.

⁴Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

⁵N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

⁶Musa anubɛ Aruna ya Marita kuman-kan latɔnbagaya iko a ya a fɔ anu ye nya min.

⁷Wo wati rɔ, Musa sɔrɔn ara san bi-segin bɔ. A kɔrɔ Aruna wo ara san bi-segin ani san sawa bɔ.

⁸Mari ya a fɔ Musa anubɛ Aruna ye ko,

⁹“Mansɛ wa a fɔ wo ye tumɛ min ko wo ni kabana-koe do kɛ, i ni a fɔ Aruna ye ko a ni ala sewuri[8] lakɛ dugi ma mansɛ yakɔrɔ. Kɔlɔma wo si yɛlɛma duguma-fan la.”

¹⁰Musa anubɛ Aruna sɔra Mansɛ yakɔrɔ ka wo ma iko Mari ya anu sɔ nya min. Aruna ya ala sewuri wo bi ka a lakɛ dugi ma mansɛ anubɛ ala mɔgɔ-banu yakɔrɔ. Sewuri wo mara duguma-fan la anu yala.

¹¹Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ.

¹²Kofo-dan wonu ya anuta sewurinu nakɛ dugi ma. Wonu fanan yɛlɛmanta duguma-fannu na. Kɔnɔ Arunata sewuri min yɛlɛmanta duguma-fan la, wo ya anutɛnu makunu.

¹³Hali wo, mansɛ yisi gbɛlɛyara ka tenbi a fɔlɔtɛ la. A ya a tengberenya. A ma a tole masɔ anuna kumɛ la iko Mari ya a fɔ Musa ye nya min. (1) Yinu Yɛlɛma-Koe Yele La

¹⁴Mari ya a fɔ Musa ye ko, “Mansɛ yisi gbɛlɛyanɛ. A ara a ban mɔgɛnu boloka-koe ma.

¹⁵Sɔgɔma wo ni ta mansɛ taran Nayɛli bɛ dala. I ni ta sewuri wo la i bolo min yɛlɛmanta duguma-fan la nun.

¹⁶I ni a fɔ ale mansɛ ye ko nde, Hiburunuta Mari Alla ara i sɔ nun ale wara nta mɔgɛnu boloka-koe rɔ alako anu ni ta n bato wulɛ rɔ. Kɔnɔ ha bi, ale mansɛ ma a yisi yɛlɛma.”

¹⁷ Mari ko tun, “Ale mansɛ si a lɔn kɛ le ma ko nde le Mari la. Sewuri min bi i bolo, i ni Nayɛli bɛ gbesi wo la. Bɛ wo si yɛlɛma yele la.

¹⁸Yɛgɛ minnu bi bɛ wo rɔ, wonu si faga. Bɛ si kasa bɛrɛkɛ! Iyipiti kɛnu si nyima a rɔ.”

¹⁹Mari ya a fɔ Musa ye tun ko, “A fɔ Aruna ye ko a ni ala sewuri wo bi ka a rasagan Iyipiti yinu kuma, anuta bɛnu wo, yi-bolɔnnu wo, anuta dalɛnu wo, anubɛ yi minnu bi yi-dagɛnu tɔ, wonu si ma yele la. Yi siginɛ kan-bo-kan, hali a taranta yi-dagɛ le tɔ, wo bɛɛ si yɛlɛma yele la.”

²⁰Mari ya a fɔ Musa anubɛ Aruna ye nya min, wo banda kɛ, anu ya a ma wo nya na le. Aruna ya sewuri wo bi ka bɛ wo gbesi a la mansɛ ani ala mɔgɔ-banu yala. Nayɛli bɛ wo yɛlɛmanta yele la.

²¹Yɛgɛ wonu fagara. Bɛ wo kasara warawara! Yi ye kan tinɛ minnu bɛɛsi rɔ Iyipiti nyamanɛ rɔ, wonu yɛlɛmanta yele la. Iyipiti kɛnu ma ke yi wonu minna kasɛ bolo.

²²Ale mansɛla kofo-dannu fanan ya a ma wo nya anuta kofo-denyɛ rɔ. Hali wo, mansɛ yisi gbɛlɛyara ka tenbi a fila nyɔgɛ la. A ma sɔn Musa anubɛ Arunata kumɛ birala. Iko Mari ya a fɔ nya min, Mari kuman-kan bɔra-a-la.

²³Wo bɔrɔ ma taran ale mansɛ ye. A ya a kan-kɔ sɔ ka sɛgi ala bɔn la.

²⁴Iyipiti kɛnu ya kɔlɔnnu sin Nayɛli bɛ dafɛ alako anu ni min-kɛ-yi sɔrɔn bawo anu ti ke ba-yi wo minna kasɛ bolo. (2) Turukɔɔkɔnu Bara-Koe

²⁵Tele wɔrɔnfilɛ kɛ kɔma,