Read Kuranko Yobu 11 Bible Online

Yobu 11 - Kuranko bible

Yobu 11

¹Mɔgɔ si ila kuma-pɔrɔtɔ-paratɛ kɛnu yabi le? Kuma-siyamɛ kɛnu si a ma, i ni yo sɔrɔn?

³Ila kun-takolonya-kumɛ kɛnu kana a ma, ma ni ma rade. Ni i ye mɔgɔ-lafɛya-kumɛ fɔla, wo si a to, ma kana i sɔsɔ worɔ, wa?

⁴I ye a fɔla Alla ye ko i yilikini ma, ko fɛɛ-wo-fɛɛ sa i la.

⁵Alako Alla ya a karɛ laka ka kuma i ma nun. Alako a kumara i ma nun dɔrɔn!

⁶Ko-dogonnɛ min bɛɛsi ye hɛnkilimayɛ rɔ, a si wonu yira i la nun, ado koe donu bi nyɔ hadama-dan ti ke min nya-yenna. Alla sa i tɔrɔla iko a bɛnta, a ni i tɔrɔ nya min.

⁷Ile si ke Allata gbundinu lɔnna, wa? Ile si ke Alla Sɛnbɛ-Bɛɛ-Tigi hɛnkili nya-yenna?

⁸Alla wara-koe kolo san-kole ko kɔnɔ ile don? Alla ya lakira wara-koe lɔn kɔnɔ ile don?

⁹Alla wara-koe kolo duninya kɛ ko. A kɔnɛ kolo kɔgɔ-yi ko.

¹⁰Ni Alla ya i ladon yele la, a tenbi i kitila, yon si a lakala?

¹¹Alla ma fili mɔgɔ-yogomɛ ma. A tenbi ko-yogomɛ kɛla, Alla kolan bɛnnɛ a ma.

¹²Ni sofɛli-feremɛ si den-kolonɛ sɔrɔn, nba, ni wo si ma, mani kun-takolɔn si ma hɛnkilimɛ la.

¹³Nba Yobu, ni i ya i nyɛrɛ latenbi Alla ma ka i bole rasagan Alla ye,

¹⁴ni i ya i fara karagbɛlɛyɛ la, i ma sɔn ko-yogomɛ ni taran ila bɔn la,

¹⁵i si ke i kunyɛ kɔrɔbila le worɔ, miliyɛ mumɛ sa i ma. I si i sɔ worɔ gben, tamayi mumɛ ti taran i rɔ.

¹⁶Tɔrɔyɛ min bɛɛsi ye i ma, i si i sɔrɔn wonu na. Ila tɔrɔyɛ wo si ma iko yi min bi tenbila suyi rɔ.

¹⁷I wara-koe si malan iko tele. Pinpi si ma i yala iko sun-tele-tiyi.

¹⁸I si sigi lafɛrɛ rɔ bawo i sɔndɔmɛ lafanɛ yigi la. Alla si i latanka ka i sulen i fanbolo.

¹⁹I sanɛ si to, ado mɔgɔ-wo-mɔgɔ sa nyɔ min si i maban. Mɔgɛnu si na anu makoe rɔ i wara.

²⁰Karagbɛlɛnu si anu taya ka anu bɔ-tinɛ nyini tɔrɔyɛ kɔrɔ kɔnɔ anu ti anu bɔ-tina fenfen sɔrɔn. Yigi-wo-yigi sa anu bolo fɔ sayɛ.