Read Kuranko Yobu 14 Bible Online

Yobu 14 - Kuranko bible

Yobu 14

¹Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

²Anu si koloya kɔnɔ anu ti mɛ. Anu ma si fɔsɔ iko kɔn-fere. Iko ninɛ, anu si tunu yen!

³E, Alla, hali fenfen ma n na, i si sɔn n mafɛlɛnna, wa? I si n nakɔrɔsi ka nna kiti tɛgɛ, wa?

⁴Fen-sɛninyanɛ ti bɔ hadama-dan rɔ min sɛninyabɛlɛ.

⁵Mɔgɔ-siyi si wati min nyɔgɔn bɔ duninya kɛ rɔ, ile Alla ara ban wo latɛgɛla. Ile nyɛrɛ ara ban wo latɛgɛla, ado mɔgɔ-wo-mɔgɔ ti ke wo mapandinna.

⁶E, Alla, i kolan bɔ hadama-dan la ka anu boloka. A ni taran a diya ata wati-gbɛlɛmɛ rɔ, ni a si ke.

⁷Kɔlɔma-kuri min tɛgɛnɛ, yili-madiyɛ ye wo bolo ko a si a matii tun ka nɔrɔn.

⁸Hali a suli ara mɛ, a kunkundu kɔrɛ ara gbala

⁹kɔnɔ yi wa kɛ a ma, a si a matii tun.

¹⁰Kɔnɔ hadama-dan wa faga, a wara-koe ara ban. A wa a niyi layigi, atɛ ara ban sa!

¹¹Iko bɛ si gbala a worɔn la nya min iko dalɛ si gbala a gbɛ rɔ nya min,

¹²Hadama-dan fanan wara-koe ye kala-a-la wo nya na le. Fananta san-kole ye nyɔ, anu ti kunden. Anu ti anu mamaga doni-bɛrɛni anuna kinɔgɛ wo rɔ.

¹³Alako nun, i ya n dogon lakira tonke do rɔ nun. N ni to dogonni nyɔ ha ita diminyɛ ni ban. Wo kɔma, i ni wati do rabɛn n ye, i si i fonde lamiri n ma min ma.

¹⁴Ni hadama-dan fagara, a niyi si sɛgi a rɔ tun, ba? Kɔnɔ n si ila wati-hakikɛ makɔnɔ ha nta tɔrɔyɛ kɛ ni bɔ n kuma.

¹⁵Wo wati wa ke, ni nde, ila mɔgɔ-dannɛ yen-sɔgɛ ye i la, i si n takele, n ni a labira.

¹⁶I kolonkɛ bɛnnɛ si to n ma kɔnɔ i sa n hakɛnu nakɔrɔsila.

¹⁷I si nna ko-yogomɛnu kɛ bɔrɛ rɔ ka anu boloka fasai! I si n hakɛnu yamatogon.

¹⁸Kɔnkɛnu ma si to yigila doni-doninyɛ ma, hali fara-gbaran, do si bɔ a la.

¹⁹Wasɛla yi ye kurinu manunkula nya min, banda-yi si ta dugu tɔnɔma tinɛ la wo nya na le. Yili-madiyɛ min bɛɛ ye hadama-dan fanan bolo, i si wo tinya wo nya na le.

²⁰A ye ita sɛnbɛ kɔrɔ tuma-wo-tuma, wo kɔma, i si bui a ma. A yakɔrɛ ma ni tɔrɔmɔnya, wo kɔma, i ni a latosokoro lakira.

²¹Mɔgɛnu si to furi wola dan matɔgɔla kɔnɔ aleta sa wo rɔ. Hali ala dan miliyara, ale sa wo kalama.

²²Dumɛ min bi a fɛrɛ rɔ, a ya wo le dɔrɔn lɔn. A si ma iko mɔgɛ min bi a nyɛrɛ dila.