Read Kuranko Yobu 17 Bible Online

Yobu 17 - Kuranko bible

Yobu 17

¹N bi n niyi le makawa tinɛ gbɛ! N kanba-sinnɛnu nadɛnnɛ.

²Mɔgɛnu bi n mayɛlɛnna kan tinɛ bɛɛ rɔ anu sɛbɛ-kuna-wɛ la. N yɛ bɛnnɛ anu ma.

³E, Alla, i ni ma n kunkalɛ la. Yon si n dɛnbɛ nna kumɛ kɛ rɔ ile kɔma?

⁴I wara n diyana-mɔgɛ kɛnu hɛnkili rabasan alako anu kana na ko ragbɛ. I yandi, anu kana yo sɔrɔn n ma kumɛ kɛ rɔ.

⁵Mɔgɛ min ya a diyana-mɔgɛ mayira wodi-koe rɔ, wola dannu si tɔrɔya ala ko la. Alamɛ n yogenu mara iko mɔgɛ wo.

⁶Alla ara n ma yɛlɛnma-fan la anu yala. Anu bi anu nɔgɔ-yi kɛla n yakɔrɛ ma bawo anu bannɛ n na.

⁷N yɛ ma ara fɔlɔ labirala bawo n makinikininɛ. N ma ara dɔgɔya iko kɔlɔma-gbalɛ kankalinya!

⁸Tɛrɛna-koe le nta tɔrɔyɛ kɛ la telenbagɛnu yala. Hakɛ sa minnu ma, wonu denu bi Alla-lɔnbɛlɛnu kan ma.

⁹Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

¹⁰Kɔnɔ hali telenbagɛ wonu nara sɔ n yakɔrɔ, mɔgɔ-den-kelan ti taran anu tɛma hɛnkilimayɛ si taran min bolo.

¹¹Nna wati ara tenbi. Nna ko-rabɛnnɛnu bara tinya. N yigi ara tɛgɛ son!

¹²Kɔnɔ n diyana-mɔgɛnu ya suyi lɔn, tele le la. Anu si a fɔ ko, “Wan-takɛ sa wula-yan na.” Kɔnɔ nde ya a lɔn ko n bi tola pinpi le tɔ.

¹³Yigi min bi n ma, fɔ kanbɛ, n bi sala pinpi rɔ kan min.

¹⁴Kanbɛ si ma n fa la. Tunbi minnu bi n furi dɔnna kanbɛ rɔ, wonu si ma n na anubɛ n tirisan-musi la.

¹⁵Yili-madiya ye n bolo mintɔ gbɛ? Yon bi yigi yenna ndela ko la?

¹⁶N ba ta lakira, hali yigi ti ta n fɛ nyɔ.