Read Kuranko Yaburi 110 Bible Online

Yaburi 110 - Kuranko bible

Yaburi 110

¹ Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

²Mari si a ma, ata mansayɛ ni to sɛnbɛ sɔrɔnna hali Yerusalɛm soe kɔma. A ko ale mansɛ ni a yogenu mara.

³A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

⁴ Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

⁵Mari ye ale mansɛ kɔɛn-nyimɛ wara la. A fonde wa bɔ, a si mansa-siyaman nɔ.

⁶A si sibolenu kiti ka kɛlɛ-kɛ-tinɛnu nafa furi la pen! A si mansɛnu nɔ dugu-kole bɛɛ kuma.

⁷Ale mansɛ si a min kila-dafɛ-yi-nɛ la. Wo kɔma, a si sɛnbɛ sɔrɔn alako a ni sɔ fanka rɔ ka nɔ-ko sɔrɔn.