Read Kuranko Yaburi 112 Bible Online

Yaburi 112 - Kuranko bible

Yaburi 112

¹N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.

²Mɔgɔ-nyimɛta dan si sɛnbɛ sɔrɔn nyamanɛ rɔ. A kegeyɛnu si duwɛ sɔrɔn.

³A kebilɛ si ma-a-la. Ale fanan bolo ti kolonya mumɛ!

⁴Waan ra si ka pinpi-fin-bɛ rɔ mɔgɔ-nyimɛ ye. Wo ra si ka mɔgɔ-hinante anubɛ telennɛ fanan ye.

⁵Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

⁶Mɔgɔ-nyimɛ wara-koe ti sɛgi kɔma. Mɔgɛnu yili si to a ko wati bɛɛ.

⁷A ti kilan kilaya-yogomɛ la. A lara Mari la. Ala dɛnkɛninyɛ ra ti maga.

⁸A ti hɔn, ado a ti kilan. A yili latɛgɛni a yoge nɔ-koe ma.

⁹ A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

¹⁰Ni karagbɛlɛ ya mɔgɔ-sufa kɛ yen, tɛ si sigi a yisi la. A si a yakɔrɛ sisi. Wo si a ma, a fɛrɛ ni ban a ma feufeu! Yigi-wo-yigi ti taran a bolo tun.