Read Kuranko Yaburi 113 Bible Online

Yaburi 113 - Kuranko bible

Yaburi 113

¹N si Mari tanto! Wole minnu bi wɔlila Mari ye, wo ni ale Mari matɔgɔ!

²Ka a fɔlɔ kaka ma, wo ni to Mari tɔgɔ gbiliyala burubukai!

³Ka a bi tele-bɔɛ ha tele-yigi, a bɛnnɛ wo ni to Mari matɔgɔla wo dama rɔ.

⁴Sibole-bɛɛ-maralɛ le Mari la, ado ata gbiliyɛ ye san-kole bɛɛ kuma pon!

⁵Mɔgɔ-wo-mɔgɔ sa iko mata Mari Alla! A mayiginɛ ma dama kuma pon!

⁶Kɔnɔ a ye a madula ka san-kole anubɛ dugu-kole mafɛlɛn.

⁷Ale le ye bolo-kolɔn bɔla gbangban rɔ. Ale le ye yisi-tinyɛ bɔla anu ma,

⁸ka anubɛ kun-tiginuna dannu to ko kelen tɔ alako bɛɛ ni anu gbiliya.

⁹Den sa musi min bolo, a si gbiliyɛ di wo ma kei-wara-sigi bɔn la ka dannu sɔrɔn. Wo si ma na sewanɛ la. N si Mari tanto!