Read Kuranko Yaburi 115 Bible Online

Yaburi 115 - Kuranko bible

Yaburi 115

¹Ka a tɛgɛ ila hinɛ anubɛ ila lanayɛ ma, gbiliyɛ bɛnta ile Mari ma, male ma de!

²Nfenna sibolo-gbɛrɛnu bi tola ma manyinikala ko, “Wota Alla ye mi?”

³Mata Alla ye Arinyɛni tɔ. Min ba diya a ye, a ye wo le mala.

⁴Anuta bɛsɛnu nadannɛ sɛnɛ anubɛ wodi-gbɛ le la, ado hadama-dan le ya anu nadan.

⁵Dɛ ye anu bolo kɔnɔ anu ti kuma. Yɛ ye anu bolo kɔnɔ anu ti fen yen.

⁶Tole ye anu bolo kɔnɔ anu ti ko lamɔɛn. Sunyɛ ye anu bolo kɔnɔ anu ti fen-sumɛ lamɔɛn.

⁷Bole ye anu bolo kɔnɔ anu ti tugu fen na. Kian ye anu bolo kɔnɔ anu ti ke tagamana. Anu kan-woe lafaganɛ tɛnɛnɛ!

⁸ Min bɛɛ ya a bole don bɛsɛ kɛnu nadan-koe rɔ anubɛ min bɛɛ lara anu na, alamɛ mɔgɛ wonu mara iko anuta bɛsi-ladannɛ wonu.

⁹Wole Isirɛla mɔgɛnu, wo ni la Mari la. Ale le ye wo dɛnbɛna ka wo lakanan.

¹⁰Wole minnu bi sarakɛnu masɔla Alla ye, wo ni la Mari la. Ale le ye wo dɛnbɛna ka wo lakanan.

¹¹Wole min bɛɛsi ye Mari batola, wo ni la a la. Ale le ye wo dɛnbɛna ka wo lakanan.

¹²Mari fonde ye ma ko. Ata duwɛ ye yigila ma kuma. Ata duwɛ ye yigila Isirɛla mɔgɛnu kuma anubɛ Allata saraka-masɔlɛ damasi.

¹³ Min bɛɛ ye a gbiliyala, ata duwɛ ye yigila wonu kuma. A dɔgɔma wo, a kinama wo, a bɛɛ rakɛn a yala.

¹⁴Alamɛ Mari ya a ma, wo ni yiri bui, wo ni wo matii, wobɛ wo kegeyɛnu, kɔni.

¹⁵Mari min ya san-kole anubɛ dugu-kole dan, alamɛ ata duwɛ tora yigila wo kuma.

¹⁶Mari kelen petɛ le Arinyɛnɛ la kɔnɔ a ya dugu-kole di hadama-dannu denu ma.

¹⁷Mɔgɔ-faganɛ ti ke Mari matɔgɔla. Minnu bi lakira, a siginɛ a la wonu bolo don!

¹⁸Kɔnɔ male minnu bi ma niyi la, ma si baraka bira Mari ye burubukai! N si Mari tanto!