Read Kuranko Yaburi 12 Bible Online

Yaburi 12 - Kuranko bible

Yaburi 12

¹Mari, ma dɛnbɛ! Mɔgɔ-nyima wo mɔgɔ-nyima sa tun. Mɔgɔ sa tun min telennɛ.

²Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

³Mari, a ma, anu ni anu tade don! Anu bi anu nyɛrɛ matɔgɔla anu dɛ min na ka a fɔ ko, “Ma ara fan min bɛɛ sɔrɔn, ma ara wonu sɔrɔn ma darɔ-kan le la. Min bi ma kunyɛ anubɛ ma kannu tɛma, ma si wo fɔ. Mɔgɔ-wo-mɔgɔ sa nyɔ min si tɔn sigi ma ma.” Mari, anu dɛ wonu natogon.

⁵Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

⁶Yigi si taran de mɔgɛnu bolo Marita yili-madiyɛla ko la. Lanyiri wonu yili masɔni de iko wodi-gbɛ min na ara lee sɛninya tinɛ iko wɔrɔnfila.

⁷Karagbɛlɛnu bi kan tinɛ bɛɛ rɔ. Mɔgɛnu si to ko-yogoma-kɛlɛnu matɔgɔla anuna milibɛlitayɛla ko la. Mari, ma to latankɛ rɔ. I ni ma tanka mɔgɔ-sufa wonu masibɛ ma.