Read Kuranko Yaburi 13 Bible Online

Yaburi 13 - Kuranko bible

Yaburi 13

¹E, Mari, i si to nyinala n ko ha wati nyamintan? I si to i dogonna n ma ha wati nyamintan?

²N si n to n muinna nta tɔrɔyɛ kɔrɔ ha wati nyamintan? N si bɔ sɔgɔma-ani-wurɛ la yisi-tinyɛ rɔ muntuma? N yogenu si to n nɔla ha tumɛ nyamintan?

³E, nta Mari Alla, i yandi, i ya-lamunun n na ka n yabi. N sɛnbɛ makofu alako n kana na faga.

⁴I kana sɔn, n yogenu ni a fɔ ko, “Ma ara a nɔ.” Alako dɔrɔn, anu kana anu nyɛrɛ matɔgɔ ko, “Male le wara a labui.”

⁵N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

⁶Mari, n si sigi sa i ye ka a tɛgɛ ila nyimayɛ ma n bara la.