Read Kuranko Yaburi 130 Bible Online

Yaburi 130 - Kuranko bible

Yaburi 130

¹N Mari, n bara i rakele wo tumɛ n yigi tɛgɛnɛ gbodo!

²N ko, “E, n tigi, i wɔlɔ matɔlɔ n di-kɛ-kan la.” N ba i rakele n dɛnbɛn-tinɛ tumɛ min, i ni i wɔlɔ matɔlɔ n na.

³Ni i ye mɔgɛ bɛɛta hakɛ sɛbɛla le nun, yon si a bɔ ila yilikiyi kɔrɔ?

⁴Kɔnɔ i ye ma makotola alako ma kawanɛ ni to i ma.

⁵N bi gbaranna Marita dɛnbɛnɛ la. N lanɛ ata kuman-kan la kosɛbɛ!

⁶N bi gbaranna n tigi Mari makɔnɛ la, iko surɔ-bon-makandannɛ si gbaran banda-ka-dɛ la nya min.

⁷Isirɛla mɔgɛnu, wo ni la Mari la gben! Bawo ala keninteyɛ ti wo baya, ado tumɛ bɛɛ, a rabɛnnɛ wo kisi-koe la.

⁸ A si wole Isirɛla mɔgɛnu kisi wo hakɛ bɛɛ ma.