Read Kuranko Yaburi 138 Bible Online

Yaburi 138 - Kuranko bible

Yaburi 138

¹N si baraka bira ile Mari ye n yisi bɛɛ la. N si ile matɔgɔ bɛsi-fuyinu yala.

²N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

³I rakele n bolo, i ya a labira. I ya n sɛnbɛ makofu ita sɛnbɛ-wɛ la.

⁴E, Mari, duninya-mansɛ mumɛ bɛɛ si i matɔgɔ bawo i wara yili-madiya-kumɛ minnu fɔ, anu bara wonu namɔɛn.

⁵Anu si i matɔgɔ-sigi sa ka a tɛgɛ i wara min ma anubɛ ita gbiliya-makawanɛla ko la.

⁶Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

⁷N nafoonɛ tenbi tɔrɔyɛ la, ile le si n nakanan. N yoge minnu yisi bɔnɛ, i wara i sɔ wonu na. I ya n nakanan ita sɛnbɛ la.

⁸I si koe bɛɛ latɔnbagaya iko i ye yili-madiyɛ kɛla nya min. Mari, ita keninteyɛ ti ban mumɛ! I wara wɔlɛ min dabira, i yandi, wo laban.