Read Kuranko Yaburi 16 Bible Online

Yaburi 16 - Kuranko bible

Yaburi 16

¹E, Alla, n nakanan bawo n lanɛ a la ko i si n natanka le.

²N ya a fɔ ile Mari ye ko, “N tigi le ile la. N ti ke fen-nyima sɔrɔnna n nyɛrɛ ma ni ile ma.”

³Mɔgɔ-nyimɛ le Marita mɔgɛnu na. Ni n bi anu kurun tɔ, n si nyagalen.

⁴Kɔnɔ min si anu ya-lamunun bɛsɛ la, wonu si nanparan lana anu nyɛrɛ kuma. Nde ti kofu mɔgɔ-sufa wonu ma anuna saraka-bɔ-tinɛ hali ka kofu anu ma anuna bɛsi-kɔ-tinɛ.

⁵Ile Mari ye n bolo min kɛ, fan bɛɛ ye n bolo worɔ. N makoe ye fan min bɛɛ la, ile le ye wonu dila n ma. Hali n si fan min bɛɛsi sɔrɔn yarɔ, wo bɛɛ ye ile ma.

⁶N bara ko-kinyɛ le gbansan sɔrɔn i bolo, ado wonu diyara n ye.

⁷N si Mari tanto bawo a ara n makawandi-nyimɛ kɛ. Hali suyi rɔ, a si kuma n yisi rɔ.

⁸ N yɛ bɛnnɛ ale Mari ma burubukai! Fenfen ti n takilan.

⁹Woletɔ n sewanɛ dɔgɔma-ma-de! N bi n fanbolo

¹⁰ bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

¹¹I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.