Read Kuranko Yaburi 17 Bible Online

Yaburi 17 - Kuranko bible

Yaburi 17

¹E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

²Alamɛ n ya yo sɔrɔn ile bolo bawo ile dɔrɔn ya a lɔn min telennɛ.

³Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

⁴N sa kuma-yogomɛ fɔla iko mɔgɛ doinu. N bara ita kumɛ bira. N ma bila karagbɛlɛnuta kilɛ fɛ.

⁵Ha bi, n ma ita kilɛ boloka dɛɛ, n bi ita kilɛ le fɛ burubukai!

⁶E, Alla, n bi i madiyala bawo ile le si madiyalɛ wo yabi. Woletɔ i ya-lamunun n na ka i wɔlɔ matɔlɔ nna kumɛnu na.

⁷Ila keninteya-dannatɛgɛbɛlɛ yira n na ka n nakisi. Ni n bi i dafɛ, n nakananni de n yogenu ma worɔ.

⁸A ma, n ni to tankɛ rɔ iko mɔgɛ si a yɛ matanka nya min. N sigi i kanban kɔrɔ

⁹alako n ni kisi n yogenu masibɛ ma. N tonɛ kurɔn rɔ n fagalɛnu bolo.

¹⁰Anu ti kinikini mɔgɛ ma, ado nyɛrɛ-matɔgɛ di anu ye.

¹¹N ba n tintan kan tinɛ min tɔ, n si anu yen nyɔ. Anu bi n nabu-fɛrɛ-nyinɛ la.

¹²Anu bi n napɛrɛnna iko yarɛ si a dɔntɛ lapɛrɛn nya min. N tafarafara-sɔgɛ ye anu na.

¹³Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

¹⁴I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

¹⁵Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.