Read Kuranko Yaburi 2 Bible Online

Yaburi 2 - Kuranko bible

Yaburi 2

¹ Nfenna sibolo-gbɛrɛnu bi yanfɛ kirila Mari kan ma? Nfenna mɔgɛnu bi ko-fuyinu tabɛnna a ma?

²Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

³Anu bi a fɔla ko, “Ma ni ma bɔ ata sɛnbɛ kɔrɔ. Hali ma ma taran ala sarati kɔrɔ tun.”

⁴Kɔnɔ ma Tigi min mayiginɛ Arinyɛni tɔ, wo ye anu mayɛlɛnna. A ye anu tasɛla ka a tɛgɛ anuna yanfanteyɛ ma.

⁵Wo kɔma, a fondo-bɔnɛ ye anu makumala. Ata diminyɛ ye anu kumakɔla.

⁶A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

⁷ Mari ara kumɛ min mabanban, nde, mansɛ ye wo le latenbila wo ma. Mari ya a fɔ n ye ko ka a bi bi ma, ala dan le nde la. Nde fa le ale Mari la.

⁸A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

⁹ A ko n si nɛgɛ-gbelekɛ bi ka anu kunyɛ lasɛgi a rɔ. N si anu kasara iko mɔgɔ wa bɔnku-dagɛ ratii.

¹⁰Wole duninya-mansɛnu, wo ni wo tole masɔ makawandili-kumɛ kɛ la. Wole nyamani-tiginu, wo ni wo hɛnkili masɔ.

¹¹Wo ni wɔli Mari ye ka a gbiliya. Wo ni sewa ka kilan a la.

¹²Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.