Read Kuranko Yaburi 20 Bible Online

Yaburi 20 - Kuranko bible

Yaburi 20

¹I tenbi yakɔrɔ-mamɔɛ rɔ, alamɛ Mari ya i dɛnbɛ. Alamɛ Yakobata Alla ya i latanka.

²Alamɛ i dɛnbɛn-fan bɔra Mari bolo a Bato-Bɔn la. Alamɛ i makoe nyinyara ka bɔ Yerusalɛm kɔnkɛ kuma.

³Alamɛ a ya a fonde lamiri wola kɔ-fannu ma ka sɔn wola saraka-mintantɛnu na.

⁴Alamɛ wo hamina-koenu nyinyara. Alamɛ a ya a ma, wo miriyanu ni bɔ.

⁵Wo dama wa ma tumɛ min, ma si a lawɔyɔ ka a tɛgɛ ila nɔ-ko-sɔrɔn-koe ma sewɛ bolo. Ma si baraka bira Alla ye bui! Alamɛ Mari ya i makoe bɛɛ nyinya.

⁶N bara ban a lɔnna ko Mari si a ma, ata mansa-yabɔnɛ ni nɔ-ko sɔrɔn a yogenu ma. A si a yabi Arinyɛni tɔ. Ata sɛnbɛ-makawanɛ si a ma, mansɛ wo ni nɔ-ko sɔrɔn.

⁷Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

⁸Mɔgɛ wonu ta si mɔlɔkɔn anu kɔrɔ kɔnɔ male si ma lawuli ka ma sɔ gben!

⁹E, Mari, a ma, mansɛ ni nɔ-ko sɔrɔn. Ma wa i rakele, i yandi, i ni a labira.