Read Kuranko Yaburi 3 Bible Online

Yaburi 3 - Kuranko bible

Yaburi 3

¹E, Mari, n yogenu siyayanɛ pu! Mɔgɔ-siyaman bara anu kan-kɔ sɔ n na.

²Anu bi a fɔla n ma ko, “Alla ti kɛ latanka.”

³Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

⁴N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

⁵N tenbi kinɔgɔla suyi rɔ, ile Mari le ye n niyi-koni gbenna.

⁶N yogo-yirika-siyamɛ minnu bi nna foolɛ rɔ, hali anu bi n faga-koe rɔ, n sa kilanna wonu na.

⁷E, Mari Alla, na n nakisi tinɛ. I ni n yoge bɛɛsi dɛ ratii ka anu nyin murundu anu da rɔ alako anu kana na ko ma n na.

⁸Ile Mari kelen pe le si ke ila mɔgɛnu kisila gbalo ma. Alamɛ ita mɔgɛnu ya ila duwɛ sɔrɔn.