Read Kuranko Yaburi 32 Bible Online

Yaburi 32 - Kuranko bible

Yaburi 32

¹ Ale min hakɛ ma ara koto, mɔgɔ-sewanɛ le wo tigi la. Mɔgɔ-sewanɛ le wo tigi la min sɔn-yogomɛ yama ara togon.

²Mɔgɔ-sewanɛ le wo tigi la Mari ma hakɛ yen min ma. Mɔgɔ-sewanɛ le wo tigi la yanfante ma min na.

³N ma n sɔ wɛ n hakɛ la min kɛ, n fanka ara bɔ n na ka a tɛgɛ nna telen-gbɛn diyi-kɛ ma.

⁴Mari, su-ni-tele, i ye n tɔrɔla nun. N sɛnbɛ ara ban fegba iko yi wa gbala telemɛ rɔ.

⁵Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

⁶Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

⁷N dogon tinɛ le ile la. Ile si n nakisi tɔrɔyɛ ma. N si kanan-ko-bɛti bɔ bawo i ya n nakisi.

⁸Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

⁹A kana ma kun-takolɔn la iko soee anubɛ sofɛlɛ, fɔ i wa karafɛ sa wo dɛ ma, a ni to tala i diyana-tinɛ.

¹⁰Fɔ karagbɛlɛnu ba tɔrɔya kɔnɔ minnu lanɛ Mari la, wonu bi kananna ka a tɛgɛ ala keninteya-dannatɛgɛbɛlɛ ma.

¹¹Ile min telennɛ, i ni sewa ka a tɛgɛ Mari ara min kɛ i ye. Ile min bi ala kumɛ tola a gbɛ rɔ, i ni i kuli mayɛlɛ nyagalan bolo.