Read Kuranko Yaburi 4 Bible Online

Yaburi 4 - Kuranko bible

Yaburi 4

¹E, n kun-makalɛ Alla, i yandi, n ba i rakele n dɛnbɛn-koe rɔ, i ni a labira. N tagbɛrɛnnɛ wati min, ile le ya n kumafunfan. Nba, i ni nta madiyali-kan lamɔɛn. I ni i gbɛ latugun ka kinikini n ma.

²E, wole n yogenu, wo ti fara n nafɛyɛ la? Kun-takolonya-kumɛnu anubɛ foninya-fɔɛ di wo ye, ado wo bilanɛ bɛsi-fuyinu fɛ tolon!

³Wo ni a lɔn yati, ko Mari ara male mɔgɔ-telennɛnu yabɔ a nyɛrɛ ye. N ba a rakele tuma-wo-tuma, a si n yabi.

⁴ Wo ni yɛrɛyɛrɛn kilan bolo ka fara hakɛ kɛla. Wo sanɛ tenbi suyi rɔ, wo ni wo rade ka wo miri nna kumɛ kɛnu ma sin!

⁵Mari ye nyinina sarakɛ minnu ma wo bolo, wo ni wonu bɔ ka wo yigi sa ale Mari rɔ.

⁶Mɔgɔ-siyaman kɛnɛna a fɔla ko, “E, Mari, a ma, ma ni sabati tun. I ni ko-nyimɛnu kɛ ma ye.”

⁷Kɔnɔ hali wo, i wara n nasewɛ min kɛ, wo tenbira anuta sewɛ la pirr, hali anu bi fen sɔrɔnna duk!

⁸N ba n sa kinɔgɛ rɔ suyi rɔ, n si kinɔgɔ n fanbolo bawo ile Mari le kelen pe ye n matankala.