Read Kuranko Yaburi 43 Bible Online

Yaburi 43 - Kuranko bible

Yaburi 43

¹E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

²N natankalɛ le ile la. Nfenna i wara n boloka? Nfenna n tɔrɔnɛ ni to n yogenuna karagbɛlɛyɛ la?

³I ni ila waan anubɛ ila tonyɛ di n ma. Wonu ni sɔ n yarɔ ha n ni ke ila kɔnkɔ-sɛnimɛ ma i mayiginɛ kan min.

⁴Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

⁵N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.