Read Kuranko Yaburi 47 Bible Online

Yaburi 47 - Kuranko bible

Yaburi 47

¹Mɔgɛ bɛɛ ni lɛnkɛ gbesi[7] ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

²Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

³A ara a ma, ma ara nɔ-ko sɔrɔn sibole doinu kuma ka anu don ma kɔrɔ.

⁴Male, a diyana-mɔgɛnu bi sigila nyamanɛ min tɔ, ale le ya wo yabɔ ma ye. Nyamanɛ wo, a diyana-mɔgɛnu bi anu wasila wo le la.

⁵Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

⁶Wo ni tantoli-bɛti bɔ Alla ye. Wo ni ale mata Mansɛ matɔgɔ.

⁷Mansɛ le ale la duninya mumɛ kun na. Wo ni a matɔgɔ bɛti-nyimɛnu na.

⁸Alla mayiginɛ ata sigi-fen-sɛnimɛ kuma. A ye mansayɛ kɛla sibole bɛɛ kun na.

⁹Sibolo-gbɛrɛ kun-tiginu si anu kundɛn kan-tina-kelen Allata mɔgɛnu fɛ, Iburayimata Alla, kɔni. A makilanta kɛlɛ-dan bɛɛ ko. A kuman-kan ti bɔ a gbɛ rɔ hali doni!