Read Kuranko Yaburi 53 Bible Online

Yaburi 53 - Kuranko bible

Yaburi 53

¹ Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan le mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

²Alla si a kolan layigi hadama-dan ma ka a lɔn ni hɛnkilimɛ ye anu tɛma min bi a nyinina.

³Kɔnɔ anu dama ara anu kan-kɔ sɔ a la. I ti do-wo-do matuntun do ye ko-yogoma-kɛ rɔ. Hali mɔgɔ-den-kelen sa anu tɔ min si ko-nyimɛ kɛ.

⁴Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

⁵Kɔnɔ karagbɛlɛnu si yɛrɛyɛrɛn kumakɔɛ bolo, hali a ma anu kumakɔ-kunya bɔ bawo Alla si a diyana-mɔgɛnu yogenu tanyɛnsɛn. Alla ara a ban anu na min kɛ, Isirɛla mɔgɛnu si anu nɔ feu!

⁶N ya madiyali kɛ n sɛbɛ-kuna-wɛ la ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Alla ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!