Read Kuranko Yaburi 64 Bible Online

Yaburi 64 - Kuranko bible

Yaburi 64

¹E, Alla, n tenbi tɔrɔyɛ rɔ, i ni i wɔlɔ matɔlɔ n kan la. N niyi lakisi bawo n bara kilan n yogenu na.

²I ni n nakisi n yogenuna yanfanteyɛ ma n kan ma. N yogenu bi n kurɔn min kɛla, n natanka wonu ma.

³Anu bi anu nagan[10] dɛ lasala iko faan. Anu bi kuma-yogomɛnu nakɛla n ma iko kalabɛn.

⁴Tiriyante, anu bara anuna milibɛlitaya-foninyɛnu tanyɛnsɛn. Anuna kɔma-kuma-fɔɛ si mɔgɔ-nyimɛnu tinya.

⁵Anu bi anu nyɔgɔn kɔntɔ-diyala karagbɛlɛyɛ rɔ. Anu bi n bira-gbɛrɛ lasigi-koe fɔla dogon rɔ. Anu bi a fɔla ko mɔgɔ-ya sa anu na.

⁶Anu miriya bɛnnɛ ko-yogoma-kɛ le ma tolon! Anu bi a fɔla ko ma gba-bɔ-mɔlɔni sa anu bolo muk! Hadama-den-miriya anubɛ a hɛnkili-nya ti yen.

⁷Kɔnɔ Alla si ala kalabɛn lakɛ anu ma, ado anu si tanban tiriya!

⁸A si anu kasara ka a tɛgɛ anu darɔ-kan ma. Min ba anu yen, wo si a bole sa a dɛ la.

⁹Anu si kilan dɔgɔma-ma-de! Anu si anu miri Alla kɛ-nya ma ka a wara-koe rakaran.

¹⁰Telenbagɛ bɛɛ si sewa ka a tɛgɛ Mari ara min kɛ. Anu si Mari ma anu dogon tinɛ la. Mɔgɔ-nyimɛ bɛɛ si a tanto.