Read Kuranko Yaburi 67 Bible Online

Yaburi 67 - Kuranko bible

Yaburi 67

¹E, Alla, kinikini ma ma ka ita duwɛ layigi ma kuma. I ni ko-nyimɛnu kɛ ma ye.

²Woletɔ duninya-mɔgɛ bɛɛ si i kɛ-nya lɔn. Anu si a lɔn ko kisi-ko-sɛnbɛ ye i bolo.

³E, Alla, mɔgɛ bɛɛ ni i tanto. Bɛɛ ni i gbiliya.

⁴Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

⁵E, Alla, mɔgɛ bɛɛ ni i tanto. Bɛɛ ni i gbiliya.

⁶Ma ara dɔn-fen-siyaman sɔrɔn ka bɔ mala dugi rɔ. Ma ye Alla min batola, wo ara ata duwɛ layigi ma kuma.

⁷Alla ara ata duwɛ layigi ma kuma. Alamɛ mɔgɛ bɛɛ ya a gbiliya duninya rɔ.