Read Kuranko Yaburi 75 Bible Online

Yaburi 75 - Kuranko bible

Yaburi 75

¹Mata Alla, ma si baraka bira i ye bui! I makawanɛ ye nya min, a di ma ye ka wo fɔ. I wara kabana-koe minnu kɛ, ma si wonu fanan takaran mɔgɛnu ye.

²Alla ko a ara hadama-dan kiti-lunyɛ latɛgɛ. A ko a si kiti tɛgɛ a kilɛ fɛ.

³Hali duninya-nima-fan bɛɛ yɛrɛyɛrɛnta, hali dugu-kole nyɛrɛ yɛrɛyɛrɛnta, hali wo, a ko a si dugu-kolo kurukɛ-tinɛ bira mɔrɔtɔ!

⁴A ye a fɔla karagbɛlɛnu ye ko anu kana wasi,

⁵ado anu ni anu fara mankan tugula.

⁶Kiti-sɛ ti bɔ tele-bɔɛ anubɛ tele-yigi. A ti bɔ kan tɔ anubɛ dugu la fanan.

⁷Alla nyɛrɛ le kiti-tɛgɛlɛ la. A si yoe di donu ma ka donu yiliki.

⁸Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

⁹Kɔnɔ ni ndetɛ le, n ti Yakobata Alla matɔgɛ boloka. N si to a tanto-bɛtinu bɔla a ye.

¹⁰A si mɔgɔ-yogomɛnuta sɛnbɛ rakerikeri kɔnɔ mɔgɔ-telennɛnuta sɛnbɛ si to koloyala.