Read Kuranko Yaburi 80 Bible Online

Yaburi 80 - Kuranko bible

Yaburi 80

¹ Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

³E, Alla, sɛgi ma la tun! Kinikini ma ma alako ma si kisi nya min.

⁴E, Mari Alla Sɛnbɛ-Bɛɛ-Tigi, i fondo-bɔnɛ si to ila mɔgɛnuna madiyalɛla ko la ha tumɛ nyamintan?

⁵I wara nimisɛ ma mala dɔn-fan la. I wara ma min-kɛ-yi-lafɛ lafa ma ya-yi la.

⁶Sibolo-gbɛrɛnu bi anu nyɔgɔn kɛlɛla mala dugi kuma. Ma yogenu bi ma mamɔɛnna.

⁷Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

⁸I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

⁹I ya nyɔ kumaka alako a ni nanfa. A suli yigira saru! A ya a bolɔnnu nata nyamanɛ-tonko-nanɛ bɛɛ rɔ.

¹⁰A gbɔfɔra kɔnkɛ bɛɛ kuma. Hali kɔlɔma-layan-bɛnu, a yɛlɛta wo bɛɛ la.

¹¹A ya a bolɔnnu nata ha Mɛdetereniyan kɔgɔ-yi ma. A ya a bolɔnnu nata furr, ha Yufereti bɛ.

¹²Sansan min donnɛ nɔnbɛ kɛ ma, nfenna ile Alla ara wo keri? Mɔgɔ-wo-mɔgɔ tenbi tenbila, a si nɔnbɛ kɛ gbɔɛ do keri.

¹³Kosenu bi a tɛntɛnna. Soge donu fanan bi anu dɔnna.

¹⁴E, Alla Sɛnbɛ-Bɛɛ-Tigi, i kolan layigi ka bɔ Arinyɛni tɔ. I ya-lamunun ma la ka ma denkun. Na ita mɔgɛnu kisi.

¹⁵Na ita nɔnbɔ-kinɛ kɛ fɛ-bira. I wara a ma, a ara sabati.

¹⁶Ma yogenu ya ma malanfan ka tɛ tugu ma la. I kolan firindi anu ma ka anu halaki.

¹⁷I ni ila mɔgɔ-yabɔnɛnu kumafunfan ka anu nakisi. I wara a ma, ma ara sabati.

¹⁸Ma ti ma kan-kɔ sɔ i la tun! I ni ni-kura keni ma ye. Wo si a ma, ma ni to i matɔgɔla tolon!

¹⁹E, Mari Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.