Read Kuranko Yaburi 82 Bible Online

Yaburi 82 - Kuranko bible

Yaburi 82

¹Alla mayiginɛ ala mansaya-waganɛ rɔ melika bɛɛ kun na. A tenbi nyɔ, a ye koe bɛɛ latɛgɛla Arinyɛnɛ-sɛnbɛ-bɛɛ-tiginu kun na.

²A ko, “Wo ni wo fara donna binyɛ la kiti tɛgɛ tinɛ. Wo kana hina karagbɛlɛnu na ka lafisayalɛ kɛ anu tɛma.

³Wo ni kelennɛnu anubɛ bolo-kolɔnnu yoe ma anu yoe la. Wo ni ko-latelennɛ ma fugarɛnu anubɛ mɔgɔ-yigi-tɛgɛnɛnu ye.

⁴Wo ni sɛnbɛbɔnɛnu anubɛ kɛlɛ-kɔrɔ-maburilɛnu tanka karagbɛlɛnu masibɛ ma. Wo ni anu bɔ wunduyogenu bolo tɔ.”

⁵Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

⁶ Ale Alla ko, “Nta dan le wole bɛrɛn na. Nde, Alla Min Bi Fan Bɛɛ Kun Na, nna dan le wo bɛɛ la.

⁷Kɔnɔ wo si faga iko hadama-dannu. Wo wara-koe si ka-a-la iko kun-tigi doinu.”

⁸E, Alla, na duninya kiti tɛgɛ. Ile letan sibole bɛɛ la.