Read Kuranko Yaburi 95 Bible Online

Yaburi 95 - Kuranko bible

Yaburi 95

¹Wo na, ma ni Mari matɔgɔ. Ma ni sewa-bɛtinu bɔ Alla ye, ma latankalɛ, kɔni.

²Ma ni sɔ a yakɔrɔ baraka-birɛ la ma bolo ka tantoli-bɛtinu bɔ a ye sewɛ la.

³Mari-makawanɛ le mata Alla la. Ata mansayɛ makawara ka tenbi mɔgɛnu bi minnu kɔla.

⁴Ka a bi faran-kolenu ma ha ka a labɔ kɔnkɔ-layan-bɛnu kuma, Mari ye duninya mumɛ bɛɛ marala.

⁵A ya kɔgɔ-yi min nadan, a ye wo kun na. A ya dugu-kole min nadan, a ye wo fanan kun na.

⁶Wo na, ma ni ma madu ka a bato. Ma ni ma nyɛnkin ma Dali-Mari ye.

⁷ Ale le mata Alla la. Wo mɔgɛ le ma la minnu fɛ-biranɛ a bolo. Ala sagɛ le male la a ye minnu de-nyinina. Wo ni wo tole masɔ a kan la bi.

⁸ A ko wo kana ma tengberannu na iko wo benbanu mara nya min Sɔnkɔ-Sɔnkɔ-Tenke dafɛ, iko anu ya a ma nya min fanan Kɔrɔbɔ tinɛ wula-da-rakolɔn rɔ.

⁹Hali a ya minnu ma anu ye, anu ya wonu tagbɛ anu nyɛrɛ yɛ la ka Mari kɔrɔbɔ nyɔnu tɔ.

¹⁰Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

¹¹ A ko a fonde ara bɔ ha a ya a keli. A ko anu ti don lanyiri-nyamanɛ rɔ a ara anu yili-madiya minna ko la nun.