Read Kuranko Yaburi 97 Bible Online

Yaburi 97 - Kuranko bible

Yaburi 97

¹Mansɛ le Mari la woletɔ duninyarɔ-fannu ni sewa. Hali yi-tɛma-duginu fanan ni sewa.

²Mari lafoonɛ banda-fin-digidigi-wɛ anubɛ pinpi-fin-bɛ la. A si mɔgɛ bɛɛ mara telenbagayɛ anubɛ lafisayabɛlitayɛ la.

³Tɛ ye tala a yarɔ ka a yogenu mintan kan tinɛ bɛɛ rɔ.

⁴Allata banda-nyin-masɔgɛ ye duninya bɛɛ tola gbɛ rɔ. Dugu-kole wa a yen, a si yɛrɛyɛrɛn.

⁵Kɔnkɛnu si lee Mari yakɔrɔ bandin iko kɛɛn, dugu-kole mumɛ bɛɛ tigi, kɔni.

⁶San-kole fanan bi ala telenbagaya-koe fɔla. Sibole bɛɛ ye ata gbiliyɛ yenna.

⁷Min bɛɛ ye bɛsɛnu kɔla, wonu si miliya. Mɔgɛnu bi fan min bɛɛsi kɔla, wonu si anu madu Mari kɔrɔ.

⁸Yerusalɛm kɛnu bara sewa, ado Yuda nyamanita-mɔgɛnu bara nyagalen ka a tɛgɛ Mari ara anu yogenuna kiti fɔ nya min.

⁹Mari Sɛnbɛ-Bɛɛ-Tigi, duninya-mumɛ-bɛɛ-maralɛ le ale la. Mɔgɛnu bi minnu batola, a kolo wo bɛɛ ko.

¹⁰Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

¹¹Allata waan ara malan mɔgɔ-telennɛnu ma. Nyagalan ye mɔgɔ-nyimɛnu denu ye.

¹²Wole minnu natelennɛ, wo ni nyagalen ka a tɛgɛ Mari ara minnu ma wo ye. Wo ni wo miri Alla-sɛnimɛ ara minnu ma ka baraka bira a ye.