Read Kuranko Yaburi 98 Bible Online

Yaburi 98 - Kuranko bible

Yaburi 98

¹Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

²Mari ya ata nɔ-koe labɔ gbɛ rɔ. A ya a ma, sibole bɛɛ ya ala kanan-koe yen.

³A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

⁴Mɔgɛ bɛɛ ni bɛti bɔ Mari ye sewɛ la duninya rɔ. Bɛɛ ni a matɔgɔ-bɛti bɔ nya-kun-kelen.

⁵Wo ni tantoli-bɛtinu bɔ Mari ye. Wo ni sɔrɔnnu fɔ a ye.

⁶Wo ni burinu fɛ a ye. Wo ni a lawɔyɔ mala mansɛ Mari ye sewɛ la.

⁷Kɔgɔ-yi ni a lasɔnkɔ anubɛ min bɛɛ ye a rɔ. Duninya mumɛ bɛɛ ni bɛti bɔ anubɛ min bɛɛ ye a kuma.

⁸Ba-yinu ni lɛnkɛ gbesi. Wole kɔnkɛnu ni bɛti bɔ sewɛ la wo nyɔgɔn fɛ Mari yala

⁹bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.