Read Kuranko Yaburi 99 Bible Online

Yaburi 99 - Kuranko bible

Yaburi 99

¹ Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

²Yerusalɛm kɛnuta Mari makawara. Duninya-sibole bɛɛ ye a kɔrɔ.

³A bɛnta bɛɛ ni a tɔgɔ-makawanɛ tanto bawo a sɛninyani de!

⁴E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

⁵Tantolɛ ni di mata Mari Alla ma. Wo ni a bato ala mansaya-waganɛ yakɔrɔ bawo a sɛninyani de!

⁶Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

⁷ A kumara anu ye banda-fin-gbɛ rɔ. Mari ya tɔn anubɛ sereya minnu di anu ma, anu ya wonu bira.

⁸E, mata Mari Alla, i ya ila mɔgɛnuna madiyalɛ yabi. Hali i ya anu tɔrɔ anu hakɛla ko la, i ya a yira anu na fanan ko Alla le ile la min si makotoli kɛ.

⁹Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.