Read Kuranko Hɛnkilimaya-Kumɛnu 29 Bible Online

Hɛnkilimaya-Kumɛnu 29 - Kuranko bible

Hɛnkilimaya-Kumɛnu 29

¹Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

²Ni mɔgɔ-latelennɛ ya tɔgɛ sɔrɔn, mɔgɛ bɛɛ si sewa. Kɔnɔ ni karagbɛlɛ ya tɔgɛ sɔrɔn, mɔgɛ bɛɛ si to kurunna tɔrɔyɛ bolo.

³Ni hɛnkilimayɛ diyara min ye, wo fa si sewa. Ni musu-yɛlan diyara min ye, wo wara-koe si a laban bolo-kolonyɛ ma.

⁴Ni ko-latelennɛ wara-koe diyara mansa-wo-mansa ye, wola nyamanɛ ra si gbɛlɛya. Kɔnɔ mansa-wo-mansa ya wodi keni, wola nyamanɛ si kasara pɔ!

⁵Mɔgɔ-wo-mɔgɔ si a da le fɔ a ta-nyɔgɛ ye, wo ye gbɛrɛ le lasigila a ta-nyɔgɛ ye wo la.

⁶Karagbɛlɛta ko-yogomɛ si ma gbɛrɛ la a nyɛrɛ ye kɔnɔ mɔgɔ-latelennɛ si to sewɛ rɔ.

⁷Telenbagɛ si mɔgɔ-tɔrɔnɛ dɛnbɛ kɔnɔ karagbɛlɛ ti ke ko-sufa wonu nya-yenna.

⁸Minnu si mɔgɛnu mayɛlɛn, wonu si soe bɛɛ yabasan. Kɔnɔ hɛnkilimɛ, wo si yisi-kimɛ lana soe burɔ.

⁹Ni hɛnkilimɛ tara kun-takolɔn la mɔgɔ-banu bara kiti tɛgɛ tinɛ, kun-takolɔn si to a mayɛlɛnna ka sɔnkɔ tɛgɛ. Wo si a ma, yisi-kimɛ ti taran anu tɛma.

¹⁰Mɔgɔ-latelennɛ ma di gbalo-salɛnu ye kɔnɔ mɔgɔ-latelennɛnu si wonu niyi lakisi.

¹¹Kun-takolɔn yisi si bɔ perenkenden, kɔnɔ hɛnkilimɛ wo kusan a munyuna ka a yisi bira a rɔ.

¹²Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

¹³A mɔgɔ-tɔrɔla wo, a bolo-kolon wo, Mari le ya wonu bɛɛsi dan ka niyi bila anu filɛ bɛɛ rɔ.

¹⁴Ni mansɛ tora bolo-kolɔnnuna tonyɛ labɔla gbɛ rɔ, mansayɛ ti bɔ ala bɔn la.

¹⁵Bosɛ anubɛ makumɛ le si a ma, dan ni hɛnkili sɔrɔn kɔnɔ ni i ya a to a sako rɔ, wo si ma denbɛ-miliya-koe la.

¹⁶Mɔgɔ-yogomɛ wa tɔgɛ sɔrɔn, ko-yogomɛ si to siyayala kɔnɔ hali wo, mɔgɔ-latelennɛnu si karagbɛlɛnuna ban-bole yen.

¹⁷Ni i ya ila dan kolo, wo si a ma, i ni sewa, ado i yisi si kimɛ.

¹⁸Marita wɔlɔyiya-kumɛ sa minnu bolo, mɔgɛ wonu si murutiya. Kɔnɔ minnu bi Allala tɔn birala, wonu si duwɛ sɔrɔn.

¹⁹Kuma-gbansan ti wɔli-kɛlɛ labila. Tumado, a si ila kumɛ lamɔɛn kɔnɔ a ti a bira.

²⁰Ni mɔgɔ-wo-mɔgɔ si kuma tiriya, yigi ye kun-takolɔn bolo ka tenbi wo tigi la.

²¹Mɔgɔla yɔɔn-pose tenbi, ni i yɛgɛ-yɛgɛra a kɔrɔ, tɔ-a-la, i ti ke a nɔla tun.

²²Mɔgɛ min yisi latiri bɔla, a si tɔrɔyɛ anubɛ yakɔrɔ-mamɔɛ lana a nyɛrɛ kuma.

²³Wasinteyɛ si mɔgɛ layigi kɔnɔ ni a ya a famayigi, a si gbiliyɛ sɔrɔn.

²⁴ Kankan bolo-labiralɛ yoge le a nyɛrɛ la bawo ni a ya tonyɛ fɔ, a si tɔrɔyɛ sɔrɔn. Ni a ma kuma-wo-kuma fɔ, a si dankɛ fanan sɔrɔn Alla bolo.

²⁵ Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

²⁶Mɔgɔ-siyaman si ta diyanayɛ nyini tinɛ kun-tigi wara. Kɔnɔ ko-latelenni-bɛrɛ si nyini Mari dɔrɔn de bolo.

²⁷Mɔgɔ-radunɛ ma di telenbagɛ ye, ado mɔgɔ-latelennɛ ma di mɔgɔ-radunɛ fanan ye.