Read Kuranko Makawandili Kumɛnu 10 Bible Online

Makawandili Kumɛnu 10 - Kuranko bible

Makawandili Kumɛnu 10

¹Sisa-faganɛnu si tulu-suma-diyamɛ sɔgɔ labɔ mɔgɛ la nya min, kun-takolonyɛ doni si fɛɛ sa hɛnkilimaya-kumɛ la wo nya na le.

²Mɔgɔ ti tɛrɛna hɛnkilimɛla hɛnkilimayɛla ko-ladan la. Mɔgɔ ti tɛrɛna kuntanla kuntanyala ko-ladan la.

³Hali sundan wa a taran kilɛ la, a si ala kuntanyɛ bira a ma. Bɛɛ si a lɔn kuntan la.

⁴Ni ila kun-tigi-fonde bɔra i kan ma, i ni a bira-i-rɔ. Nyɛrɛ-birɛ wo si a ma, ila ko-tinyanɛ wo bɔrɔ ni bɔ kun-tigi wo ye.

⁵N bara ko kelen de yen kun-tiginu bara la min ma telen.

⁶Anu kɛnɛna[1] sɔ-tina-wɛ dila kun-takolɔn ma ka nɔnfulu-tigila sɔ-tinɛ mayigi.

⁷N bara yɔɔn yen sigini soee la iko mansɛ, mansɛ ye tagamana a kian la iko yɔɔn.

⁸ Mɔgɛ si bui ala denka-sinnɛ le tɔ. Ni mɔgɛ ya tarɛ kɔrɔbɔ, duguma-fan le ye a kin na.

⁹Kuri si kuru-tatiilɛ le tanban. Sɔgɛ si sɔgɔ-ratiilɛ le tanban.

¹⁰Tɛgɛran min da sa a la bawo i ma a dɛ lasa, wo si a ma, i ni wɔli kosɛbɛ! Woletɔ hɛnkilimɛ si koe bɛɛ rabɛn yanni a wati ni ke.

¹¹Duguma-fen-bira-bɛsɛ ye ile min bolo, ni duguma-fan ya ile kin, ko ma bɔ ila bɛsi-koe wo rɔ.

¹²Hɛnkilimɛta-kumɛ si a ma, a ni gbiliyɛ sɔrɔn kɔnɔ kun-takolɔnta-kumɛ si nanparan lana a nyɛrɛ ma.

¹³Kun-takolɔn si kumɛ dabira kuntanya-kumɛ le ma kɔnɔ ala ban si ma a bolo yuwaya-kumɛ le ma,

¹⁴ado kun-takolɔnla kuma siya. Mɔgɔ-wo-mɔgɔ ti a lɔn koe minnu bi nala mala a la yarɔ ma, ado mɔgɔ-wo-mɔgɔ ti ke a fɔla a ye min bi nala mala a kɔma.

¹⁵Kun-takolɔn ye a nyɛrɛ labandanna wɔli-nɛ la. A si a nyɛrɛ labandan so-kilɛ nyini tinɛ.

¹⁶Gbalo ye nyamanɛ wo kuma denniya-hɛnkili ye minnuna mansɛ bolo anubɛ minnuna kun-tiginu bi kila anu nyɛrɛ ladiyala.

¹⁷Sewɛ ye nyamanɛ wo rɔ minnuna mansɛ fɛrɛnta mansayɛ rɔ, ado ala mɔgɔ-banu bi fan dɔnna a tumɛ rɔ alako ka sɛnbɛ sɔrɔn ka anu min kɔikɔi, wo ma de!

¹⁸Tinya-mansɛla bɔn si tinya a bolo. Ala tinya-mansayɛ wo si a ma, ala bɔn si bɔ.

¹⁹Dɔn-fan la ye danna alako mɔgɛ ni taran a diya. Minni-fan ye minna sewa-koe le la. Kɔnɔ ni wodi ma, fenfen ti sɔrɔn.

²⁰I kana kuma-yogoma fɔ mansɛ kan ma, hali i miriya-gbuyɛ rɔ. I kana kuma nɔnfulu-tigi ma hali i tenbi ila konko la. Ni i ya wo ma, tumado, kona do si ta a fɔ a ye.